தவறவிடாதீர்கள்..!உடனே பதிவு செய்யுங்கள்

நாட்டின் தற்போதைய பொருளாதார நெருக்கடிக்கு முன்னாள் ஜனாதிபதி கோட்டாபய ராஜபக்ஷ, முன்னாள் நிதி அமைச்சர்களான மஹிந்த ராஜபக்ஷ மற்றும் பசில் ராஜபக்ஷ, மத்திய வங்கியின் முன்னாள் ஆளுநர் அஜித் நிவாட் கப்ரால், முன்னாள் திறைசேரி செயலாளர் பி.பி. ஜயசுந்தர உள்ளிட்ட ஏழு பேரே பொறுப்பேற்க வேண்டும் என உயர்நீதிமன்றம் கடந்த செவ்வாய்க்கிழமை 14ஆம் திகதி அதிரடி தீர்ப்பு ஒன்றை வழங்கியுள்ளது. நாட்டிலுள்ள சுமார் 70 இலட்சம் மக்களை நெருக்கடிக்குள் தள்ளிய இவர்களை பொருளாதார படுகொலையாளிகள் என நாடாளுமன்றத்தின் பல உறுப்பினர்கள் வர்ணித்துள்ளனர். இவர்களின் குடியுரிமை தொடர்பில் நாடாளுமன்றம் தீர்மானம் ஒன்றை கொண்டுவர வேண்டும் என ஐக்கிய மக்கள் சக்தி எம்.பி. ஹர்ஷ டி சில்வா தெரிவித்துள்ளதோடு இவர்களுக்கு நீதிமன்றத்தின் ஊடாக தண்டனை பெற்றுக்கொடுக்க வேண்டும் என பாட்டலி சம்பிக்க ரணவக்க எம்.பி. தெரிவித்துள்ளார். இந்நிலையில், குறித்த ஏழு பேரின் குடியுரிமை பறிக்கப்படுமா, அதற்கு ஜனாதிபதி ரணில் இணங்குவாரா என்கிற கேள்விகள் எழுந்துள்ளன.