தவறவிடாதீர்கள்..!உடனே பதிவு செய்யுங்கள்

நோபல் உலக சாதனை கவிதைத் தொகுப்பு நூலான "கவித்தேனருவி" எனும் நூலில் இடம்பெற்ற தனது நூறு கவிதைகளால் அரநாயக்க கவிதாயினி நதீரா வசூக் சாதனை படைத்துள்ளார்.

தமிழ்த் தொண்டன் பைந்தமிழ்ச் சங்கமும் நிலாவட்ட இலக்கிய அமைப்பும் இணைந்து நடத்திய பத்தாயிரம் கவிதைகள் நோபல் உலக சாதனைத் தொகுப்பு நூலான "கவித்தேனருவி" எனும் கவிதைத் தொகுப்பு நூலின் வெளியீட்டு விழா தொகுப்பாசிரியர் கவிஞர் என். சாகிர் உஷேன் தலைமையில் வடசென்னையில் உள்ள எருக்கஞ்சேரி வீ.ஆர்.எம். மஹாலில் கடந்த 5ஆம் திகதி நடைபெற்றது. 

இந்நூலில் நூறு கவிஞர்களின் சிறப்பான நூறு கவிதைகள் வீதம் தொகுத்து உருவாக்கப்பட்டமை சிறப்பம்சமாகும்.

"கவித்தேனருவி" நூலில் இலங்கையில் வாழும் அரநாயக்க, தல்கஸ்பிடியைச் சேர்ந்த ஆசிரியையும் கவிதாயினியும் எழுத்தாளருமான நதீரா வசூக் எழுதிய "விடியலைத் தேடும் விழிகள்" என்ற தலைப்பில் சிறப்பான நூறு கவிதைகளும் இடம்பெற்று, நோபல் உலக சாதனை படைத்தமை குறிப்பிடத்தக்கது.