தவறவிடாதீர்கள்..!உடனே பதிவு செய்யுங்கள்

இறுதிக் கிரியைகளுக்காக உயிரிழந்த தனது  தந்தையின் மரணச் சான்றிதழை உரிய அதிகாரியிடம் பெற்றுக் கொள்ளச் சென்று கொண்டிருந்த மகன்   புளத்சிங்கல பஹல நாரகல பிரதேசத்தில் மோட்டார் சைக்கிள் மின்கம்பத்தில் மோதி விபத்துக்குள்ளானதில் உயிரிழந்துள்ளதாக பொலிஸார் தெரிவிக்கின்றனர்.

மோட்டார் சைக்கிளின் பின்னால் சென்ற ரந்திக பியூமல் கமகே என்ற (21) வயதுடைய இளைஞரே இவ்வாறு உயிரிழந்துள்ளார்.

உயிரிழந்த தனது தந்தையின் மரணச் சான்றிதழை அவசர, அவசரமாக  பெற்றுக் கொள்வதற்காக புலத்சிங்களவிலிருந்து ஹொரணைக்கு பயணித்துள்ளார்.

இவ்வாறு பயணித்த போது  பள்ளத்தாக்கு ஒன்றுக்கு  அருகில் உள்ள வளைவில் மோட்டார் சைக்கிள் கட்டுப்பாட்டை இழந்து வீதியை விட்டு விலகி அருகில் இருந்த மின்கம்பத்தில் மோதி விபத்துக்குள்ளானதாக புலத்சிங்கள பொலிஸார் தெரிவித்தனர்.

இதன்போது மோட்டார் சைக்கிளைச் செலுத்திச் சென்றவரும்  காயமடைந்து ஹொரண வைத்தியசாலையில் அனுமதிக்கப்பட்டுள்ளார்.