தவறவிடாதீர்கள்..!உடனே பதிவு செய்யுங்கள்

நாட்டில் டெங்கு நோயின் தாக்கம் அதிகரித்து வரும் நிலையில், இன்று புதன்கிழமை (15) முதல் டெங்கு கட்டுப்பாட்டு நடவடிக்கைகளில் இருந்து விலகி இருப்பதற்கு பொதுச் சுகாதார பரிசோதகர்கள் சங்கம் தீர்மானித்துள்ளது.

இது தொடர்பில் கருத்துத் தெரிவித்துள்ள  பொதுச் சுகாதார பரிசோதகர்கள் சங்கத்தின் செயற்குழு உறுப்பினர் ரொஷான் குமார, தமது பிரச்சினைகள் தொடர்பில் அதிகாரிகள்  தீர்வு வழங்க   தவறியமைக்கு எதிர்ப்புத் தெரிவிக்கும் வகையில் இந்த தீர்மானம் எடுக்கப்பட்டுள்ளதாக தெரிவித்தார்.

களப் பணிகளுக்காக வழங்கப்படும் தூரத்துக்கான கொடுப்பனவு மற்றும் போக்குவரத்து கொடுப்பனவுகளை அதிகரிக்கத் தவறியமை முக்கிய காரணங்களில் சில என்றும் அவர் தெரிவித்துள்ளார். 

இப்போது வழங்கப்படும் கொடுப்பனவு வாழ்க்கைச் செலவு, எரிபொருள் விலைகள் மற்றும் மோட்டார் சைக்கிள் பராமரிப்பு செலவுகள் ஆகியவற்றுடன் ஒத்துப் போகவில்லை, இது பொதுச் சுகாதார பரிசோதகர்களுக்கு நிதி சிக்கல்களுக்கு வழிவகுக்கிறது என்றும்  அவர் கூறியுள்ளார்.