தவறவிடாதீர்கள்..!உடனே பதிவு செய்யுங்கள்

ஜனாதிபதிக்கும் அமைச்சரவைக்கும் அறிவிக்காது தன்னிச்சையாக ஸ்ரீலங்கா கிரிக்கட்டுக்கு இடைக்கால நிர்வாக சபையொன்றை கடந்த 6ஆம் திகதி நியமித்திருந்தார், விளையாட்டு மற்றும் இளைஞர் விவகாரங்களுக்கான அமைச்சர் ரொஷான் ரணசிங்க. இதனால் கோபமுற்ற ஜனாதிபதி ரணில் அன்றைய தினம் இடம்பெற்ற அமைச்சரவை கூட்டத்தில் அமைச்சர் ரொஷானிடம் இது குறித்து கடிந்துகொண்டதுடன், இவ்வாறு கிரிக்கட் சபையின் நிர்வாக செயற்பாடுகளை நேரடி அரசியல் தலையிடுமாயின், நிச்சயமாக ஐ.சி.சிக்கு நாம் பதில் கூற வேண்டியுள்ள அதேவேளை அவர்கள் எம்மை தடை செய்யவும் வாய்ப்புள்ளது என கூறியிருந்தார். ரொஷான் ரணசிங்க அமைத்த இடைக்கால நிர்வாக சபைக்குகெதிராக மேன் முறையீட்டு நீதிமன்றம் இடைக்கால தடையை விதித்தது. இறுதியில் ஜனாதிபதி ரணில் கூறியது போன்றே கடந்த 10ஆம் திகதி சர்வதேச கிரிக்கட் கவுன்சிலானது இலங்கை கிரிக்கெட் அணியை தடை செய்துவிட்டது.