தவறவிடாதீர்கள்..!உடனே பதிவு செய்யுங்கள்

மகிந்த ராஜபக்ஷவின் அரசியல் வாழ்க்கை அநேகமாக இந்த ஆண்டுடன் முடிவுக்கு வரும் என்றே கூறப்படுகின்றது. இரண்டு தடவைகள் ஜனாதிபதியாக பதவி வகித்தும் மூன்றாவதாக ஜனாதிபதித் தேர்தலில் போட்டியிட்டு மைத்ரியிடம் தோல்வியைத் தழுவினார் மகிந்த. எனினும் அவருக்கு அதிகார ஆசை போகவில்லை. தொடர்ந்து பாராளுமன்றத் தேர்தலில் போட்டியிட்டு பாராளுமன்ற உறுப்பினரானார். இடையில் மைத்ரிபால சிறிசேனவை தனது கட்டுப்பாட்டுக்குள் கொண்டு வந்து திடீர் பிரதமரானார். அதுவும் நீண்ட காலம் நீடிக்கவில்லை. பின்பு தனது சகோதரரை ஜனாதிபதியாக்கிவிட்டு ஹாயாக சென்று பிரதமர் ஆசனத்தில் அமர்ந்தார். மகன் நாமலை விளையாட்டுத்துறை அமைச்சராக்கி அழகு பார்த்தார். அந்த பொறுப்புகளும் இரண்டு வருடங்கள் கூட நீடிக்கவில்லை. தனது மகனை பிரதமர் அல்லது ஜனாதிபதியாக்கி பார்க்க வேண்டும் என்ற அவரது நீண்ட கால கனவு மெய்ப்படும் அளவுக்கு இல்லை. ஆகையால் கட்சித் தலைவராக்கி அழகு பார்க்க அவர் தயாராகிவிட்டதாகவே தெரிகின்றது. மகிந்த விசுவாசிகளாக மொட்டு கட்சியில் உள்ள எம்.பிக்கள் சிலர் இதை விரும்பவில்லை என்றும் கூறப்படுகின்றது.