இந்து சமுத்திர கரையோர நாடுகள் அமைப்பு : பிராந்திய நாடுகளுடனான கலந்துரையாடலுக்கும் ஒத்துழைப்புக்குமான வாய்ப்பை வழங்குகிறது - வெளிவிவகார அமைச்சர் அலி சப்ரி

Published By: Digital Desk 3

12 Oct, 2023 | 09:04 AM
image

(நா.தனுஜா)

பிராந்தியத்தின் பல்வகைமைத்தன்மை, ஸ்திரத்தன்மை மற்றும் சுபீட்சம் ஆகியவற்றை உறுதிப்படுத்துவதைப் பிரதான நோக்கமாகக் கொண்டிருக்கும் இந்து சமுத்திர கரையோர நாடுகள் அமைப்பானது இப்பிராந்தியம் சார்ந்த முக்கிய விடயங்கள் தொடர்பில் கலந்துரையாடுவதற்கும், பிராந்தியத்தின் அனைத்து நாடுகளுடனும் ஒன்றிணைந்து பணியாற்றுவதற்குமான வாய்ப்பை வழங்குவதாக வெளிவிவகார அமைச்சர் அலி சப்ரி தெரிவித்துள்ளார்.

இந்து சமுத்திர கரையோர நாடுகள் அமைப்பின்  (Indian Ocean Rim Association) 23 ஆவது அமைச்சர்கள் மட்டக் கூட்டம் நேற்று புதன்கிழமை (11) கொழும்பு தாஜ் சமுத்ரா ஹோட்டலில் நடைபெற்றது. அதனைத்தொடர்ந்து 2023 - 2025 ஆம் ஆண்டு வரை இந்து சமுத்திர கரையோர நாடுகள் அமைப்பின் தலைமைப்பொறுப்பை ஏற்றுக்கொண்டிருக்கும் இலங்கையின் வெளிவிவகார அமைச்சர் அலி சப்ரி, பிரதித்தலைமை நாடான இந்தியாவின் வெளியுறவுத்துறை அமைச்சர் கலாநிதி எஸ்.ஜெய்சங்கர், இதற்கு முன்னரான காலப்பகுதியில் தலைமைப்பொறுப்பை வகித்த பங்களாதேஷின் வெளிவிவகார அமைச்சர் கலாநிதி ஏ.கே.அப்துல் மொமீன், இந்து சமுத்திர கரையோர நாடுகள் அமைப்பின் செயலாளர் நாயகம் கலாநிதி சல்மான் அல் ஃபாரிஸி மற்றும் இலங்கையின் வெளிவிவகார செயலாளர் அருணி விஜேவர்தன ஆகியோரின் பங்கேற்புடனான ஊடகவியலாளர் சந்திப்பொன்று நேற்று பி.ப 2.30 மணிக்கு தாஜ் சமுத்ரா ஹோட்டலில் ஏற்பாடு செய்யப்பட்டிருந்தது. 

அச்செய்தியாளர் சந்திப்பில் கருத்து வெளியிட்ட அமைச்சர் அலி சப்ரி மேலும் கூறியதாவது,

இந்து சமுத்திர கரையோர நாடுகள் அமைப்பானது பிராந்திய ஒத்துழைப்பு மற்றும் நிலைபேறான அபிவிருத்தி ஆகியவற்றைக் கட்டியெழுப்பும் நோக்கில் கடந்த 1997 ஆம் ஆண்டு ஸ்தாபிக்கப்பட்டது. சுமார் இருபது வருடங்களுக்கு முன்னர் 2003 - 2005 ஆம் ஆண்டு வரையான காலப்பகுதியில் இவ்வமைப்பின் தலைமைப்பொறுப்பை வகித்த இலங்கை, தற்போது மீண்டும் 2023 - 2025 வரையான காலப்பகுதிக்கு இதன் தலைமையை ஏற்றுள்ளது. இந்து சமுத்திர கரையோர நாடுகள் அமைப்பின் உறுப்புநாடுகள் மற்றும் ஊடாடல் பங்குதாரர் நாடுகள் உலகின் சகல பிராந்தியங்களையும் பிரதிநிதித்துவப்படுத்தும் வகையில் அமைந்திருப்பதனால், இதனை ஓர் 'உலகளாவிய அமைப்பாகவும்' கருதமுடியும்.

பிராந்தியத்தின் பல்வகைமைத்தன்மை, ஸ்திரத்தன்மை மற்றும் சுபீட்சம் ஆகியவற்றை உறுதிப்படுத்துவதைப் பிரதான நோக்கமாகக் கொண்டிருக்கும் இவ்வமைப்பு, கடற்சூழல் பாதுகாப்பு, வர்த்தகம் மற்றும் முதலீட்டு வாய்ப்புக்கள், மீள்வள முகாமைத்துவம், அனர்த்த அச்சுறுத்தல் தொடர்பான அறிவூட்டல், கல்வி மற்றும் விஞ்ஞானபூர்வ ஒத்துழைப்பு, சுற்றுலா மேம்பாடு மற்றும் கலாசாரப் பரிமாற்றம் ஆகிய 6 விடயங்களுக்கு விசேட முன்னுரிமை வழங்கிவருகின்றது.

மேலும், இந்து சமுத்திர கரையோர நாடுகள் அமைப்பானது இப்பிராந்தியம் சார்ந்த முக்கிய விடயங்கள் தொடர்பில் கலந்துரையாடுவதற்கும், பிராந்தியத்தின் அனைத்து நாடுகளுடனும் ஒன்றிணைந்து பணியாற்றுவதற்குமான வாய்ப்பை வழங்குகின்றது என்று சுட்டிக்காட்டினார்.

அதேவேளை, இச்செய்தியாளர் சந்திப்பில் கருத்து வெளியிட்ட பங்களாதேஷ் வெளிவிவகார அமைச்சர் ஏ.கே.அப்துல் மொமீன், அமைதியானதும், பாதுகாப்பானதும், சுபீட்சமானதுமான இந்து சமுத்திரப்பிராந்தியத்தைக் கட்டியெழுப்புவதை முன்னிறுத்தி இயங்கிவரும் இந்து சமுத்திர கரையோர நாடுகள் அமைப்பின் தலைமைப்பொறுப்பை ஏற்றுக்கொண்டிருக்கும் இலங்கைக்கு முழுமையான ஒத்துழைப்புக்களை வழங்குவதற்குத் தயாராக இருப்பதாக உறுதியளித்தார். 

முக்கிய செய்திகள்

icon-left
icon-right

தொடர்பான செய்திகள்

news-image

காலி - மாத்தறை பிரதான வீதியில்...

2025-02-11 14:27:46
news-image

இலங்கைக்கான ஜப்பானிய தூதுவர் கிளிநொச்சிக்கு விஜயம்

2025-02-11 14:32:23
news-image

மின்வெட்டு தொடர்பில் முக்கிய அறிவிப்பு!

2025-02-11 14:22:52
news-image

இவ்வருடத்தின் இதுவரையான காலப்பகுதிக்குள் வீதி விபத்துக்களினால்...

2025-02-11 14:11:27
news-image

ஜப்பானின் நிதி உதவியில் அநுராதபுரத்தில் இரண்டாம்...

2025-02-11 13:48:14
news-image

காலி சிறைச்சாலைக்குள் வீசப்படும் தடைசெய்யப்பட்ட பொருட்கள்...

2025-02-11 14:22:29
news-image

ஒட்டுசுட்டான் மகா வித்தியாலய அதிபரை இடமாற்றுமாறு...

2025-02-11 14:18:19
news-image

ரயில் - வேன் மோதி விபத்து...

2025-02-11 13:01:35
news-image

பிரதமரை சந்தித்தார் சர்வதேச நாணய நிதியத்தின்...

2025-02-11 14:21:18
news-image

வவுனியாவில் கடைத்தொகுதியிலிருந்து குடும்பஸ்தரின் சடலம் மீட்பு

2025-02-11 12:57:30
news-image

ஹட்டன் - மஸ்கெலியா பிரதான வீதியில்...

2025-02-11 14:17:27
news-image

துபாயில் இன்று நடைபெறும் 2025 உலக...

2025-02-11 12:52:05