தவறவிடாதீர்கள்..!உடனே பதிவு செய்யுங்கள்

தமிழக கடற்தொழிலாளர்களின் படகு மூலம் சட்ட விரோதமாக இலங்கைக்கு திரும்பிய மூவர் நேற்று செவ்வாய்க்கிழமை (10) பருத்தித்துறை பொலிஸாரால் கைது செய்யப்பட்டுள்ளனர். 

இலங்கையில் யுத்தம் நடைபெற்ற காலப்பகுதியான 1990ஆம் ஆண்டில் குடத்தனை வடக்கைச் சேர்ந்த தாயாரும் அவரது மகன் மற்றும் மகளும் தமிழகத்துக்குச் சென்று, சென்னையில் 30 வருடங்களாக வாழ்ந்து வந்துள்ளனர். 

எனினும், அவர்களால் சென்னையில் தொடர்ந்து வாழ முடியாத நிலையில், மூவரும் தமிழக கடற்தொழிலாளர்களின் உதவியுடன் படகு மூலம் யாழ்ப்பாணம், வடமராட்சி குடத்தனை பகுதியில் வந்திறங்கி, உறவினர் வீடு ஒன்றில் தங்கியிருந்துள்ளனர். 

இந்நிலையிலேயே அந்த தாய், மகன், மகள் ஆகிய மூன்று பேரும் பருத்தித்துறை பொலிஸாரால் நேற்றைய தினம் கைது செய்யப்பட்டுள்ளனர்.