தவறவிடாதீர்கள்..!உடனே பதிவு செய்யுங்கள்

சதீஷ் கிருஷ்ணபிள்ளை

இந்­தி­யாவில் மீண்டும் ஊடக சுதந்­திரம் பற்றி தீவி­ர­மாக பேசப்­ப­டு­கி­றது. அர­சாங்கம் ஊட­கங்­களை ஒடுக்கத் தொடங்­கி­யி­ருப்­ப­தாக ஊட­க­வி­ய­லா­ளர்கள் குற்றம் சுமத்­து­கி­றார்கள். இந்­திரா காந்­தியின் ‘எம­ஜெர்ன்­சியை’ ஒப்­பிட்டு, 'மீண்டும் பிர­க­ட­னப்­ப­டுத்­தப்­ப­டாத அவ­ச­ர­கால நிலை' என்று 'ஹிந்து' பத்­தி­ரிகை தலை­யங்கம் தீட்­டி­யுள்­ளது.

கடந்த செவ்­வாய்க்­கி­ழமை பொலிஸார் நடத்­திய சோத­னை­களும், சுற்­றி­வ­ளைப்­புக்­களும் இதற்கு முக்­கி­ய­மான காரணம்.

இணைய வழியில் செய்­தி­களை வெளி­யிடும் 'நியூஸ்-­கிளிக்' நிறு­வ­னத்­துக்­காக வேலை செய்­ப­வர்கள் இலக்கு வைக்­கப்­பட்­டனர்.

நியூஸ்-­கிளிக் நிறு­வ­னத்தின் செய்தி ஆசி­ரி­யர்கள், நிரு­பர்கள், செய்­தி­யா­ளர்கள் அடங்­க­லாக 30 பேரின் வீடுகள் சுற்றி வளைக்­கப்­பட்­டன. இந்­தி­யாவில் 'சட்­ட­வி­ரோத நட­வ­டிக்­கை­களைத் தடுப்­ப­தற்­கு­ரிய சட்டம்' என்ற சட்டம் உள்­ளது. இதுவும் பயங்­க­ர­வாத தடைச் சட்­டத்தைப் போன்­றது தான்.

இந்த சட்­டத்தின் கீழ், பிரபீர் புர்க்­க­யஸ்தா, அமித் சக்­ர­வர்த்தி ஆகியோர் கைது செய்­யப்­பட்­டார்கள். முன்­னை­யவர் செய்தி இணை­யத்­த­ளத்தின் ஸ்தாபக ஆசி­ரியர். மற்­றவர் ஆளணி வள மேல­தி­காரி.

மறுநாள், இந்­திய உச்­ச­நீ­தி­மன்­றத்தின் பிர­தம நீதி­ய­ர­ச­ருக்கு நாட­ளா­விய ரீதியில் உள்ள ஊடக நிறு­வ­னங்கள் இணைந்து மனு­வொன்றைக் கொடுத்­தன. அர­சாங்­கத்தின் ஒடுக்­கு­மு­றையைத் தடுக்க நீதி­மன்றம் தலை­யிட வேண்டும் என மனுவில் எழு­தப்­பட்­டி­ருந்­தது.

பிர­தமர் நரேந்­திர மோடியின் பார­திய ஜனதா கட்சி தலை­மை­யி­லான அர­சாங்கம் ஊட­கங்கள் மீது தாக்­குதல் நடத்தி வரு­கி­றது என்ற குற்­றச்­சாட்டு மனுவில் இருந்­தது. நியூஸ்-­கிளிக் செய்­தி­யா­ளர்கள் மீதான ஒடுக்­கு­முறை, அத்­த­கைய தாக்­கு­தலின் நீட்­சி­யென அவர்கள் குற்­றஞ்­சாட்­டி­னார்கள்.

நியூஸ் கிளிக் மீது அர­சாங்கம் முன்­வைக்கும் விமர்­சனம் ஏடா­கூ­ட­மா­னது. சீனா­விடம் இருந்து பணம் பெற்று, சீனாவின் கோட்­பா­டு­களை இந்­தி­யா­வுக்குள் பரப்ப முனை­கி­றது என பா.ஜ.க.வின் அமைச்­சர்கள் தெரி­வித்­துள்­ளார்கள். விசா­ர­ணைக்­காக செய்­தி­யா­ளர்­களை விசா­ரிப்­பதன் மூலம் செய்­தி­யா­ளர்கள் தமது கட­மை­க­ளையே செய்­வ­தாக கூறு­கின்­றனர்.

நியூஸ்-­கிளிக் என்­பது ஆங்­கில மொழியில் செய்­தி­களை வெளி­யிடும் ஒரு இணை­யத்­த­ள­மாகும். அர­சியல் முற்­போக்­குத்­தன்­மையை முன்­னி­றுத்தி செயற்­ப­டு­வ­தாக இந்­நி­று­வனம் கூறு­கி­றது. இதன் இணை­யத்­த­ளத்தில் சேர்க்­கப்­படும் செய்­திகள் பிர­தமர் நரேந்­திர மோடியின் அர­சாங்­கத்தை கடு­மை­யாக விமர்­சிக்கும் தொனியில் அமைந்­தி­ருந்­தன.

இதனை ஸ்தாபித்த பிரபீர், பிர­ப­ல­மான செய்­தி­யாளர். 2009ஆம் ஆண்டு அவர் நியூஸ்-­கிளிக் இணை­யத்­த­ளத்தை ஸ்தாபித்தார். 1975ஆம் ஆண்டில் இந்­திரா காந்­தியின் ஆட்சி காலத்தில் அமு­லாக்­கப்­பட்ட அவ­ச­ர­கால சட்டம் பிர­சித்­த­மா­னது. அந்த சட்­டத்தின் கீழ் அப்­போதும் கூட கைது செய்­யப்­பட்­டவர் தான் பிரபீர்.

இரண்டு வரு­டங்­க­ளுக்கு முன்­னரும் நியூஸ்-­கிளிக் நிறு­வ­னத்தின் அலு­வ­ல­கங்­களும், பிர­பீரின் வீடும் சோத­னை­யி­டப்­பட்­டன. அப்­போதும் கூட பணம் தூய­தாக்கல் என்ற குற்­றச்­சாட்டு தான் முன்­வைக்­கப்­பட்­டது. இப்போதும் அதே குற்­றச்­சாட்டின் கீழ், பிரபீர் கைது செய்­யப்­பட்­டி­ருக்­கிறார்.

நியூயோர்க் ரைம்ஸ் பத்­தி­ரிகை கடந்த ஆகஸ்ட் மாதம் எழு­திய கட்­டு­ரையின் அடிப்­ப­டையில், நியூஸ்-­கிளிக் நிறு­வன செய்­தி­யா­ளர்­களும் பணி­யா­ளர்­களும் இலக்கு வைக்­கப்­ப­டு­வ­தாகக் கூறலாம். அமெ­ரிக்­காவில் வாழும் நெவில் ரோய் சிங்கம் என்ற கோடீஸ்­வ­ர­ரிடம் இருந்து நியூஸ்-­கிளிக் நிறு­வ­னத்­திற்கு பணம் அனுப்­பப்­ப­டு­வ­தாக நியூயோர்க் ரைம்ஸ் பத்­தி­ரிகை எழு­தி­யி­ருந்­தது.

இந்த நெவில் ரோய் சிங்கம் பற்றி கடும் விமர்­ச­னங்கள் உண்டு. இவர் சீன அர­சாங்­கத்தின் கொள்­கை­களை உல­கெங்­கிலும் பரப்ப பாடு­ப­டு­பவர் என்­பது பிர­தான விமர்­சனம். இந்த நோக்­கத்தை அடை­வ­தற்­காக இவர் பணத்தை வாரி­யி­றைக்­கிறார் எனவும், இவ­ரது வலைப்­பின்­னலில் நியூஸ்-­கிளிக் சிக்­கி­யி­ருப்­ப­தா­கவும் நியூயோர்க் ரைம்ஸ் பத்­தி­ரிகை குற்றம் சாட்­டி­யது.

இதற்கு ஆதா­ர­மாக நியூயோர்க் ரைம்ஸ் முன்­வைத்த விடயம், நியூஸ்-­கிளிக் இணை­யத்­த­ளத்தில் சேர்க்­கப்­பட்ட வீடியோ காணொளி. 'உல­கெங்கும் உழைக்கும் வர்க்­கத்­திற்கு உத்­வே­மாக அமையும் சீனாவின் வர­லாறு' என்ற தொனிப்­பொ­ருளில் காணொளி தயா­ரிக்­கப்­பட்­டி­ருந்­தது. இப்­ப­டி­யொரு வீடி­யோவை தயா­ரிக்கும் தேவை நெவில் ரோய் சிங்­கத்­திற்கே இருக்­கக்­கூடும் என்­பது நியூயோர்க் ரைம்ஸ் பத்­தி­ரி­கையின் கணிப்பு.

"எங்­கெல்லாம் முற்­போக்கு என்ற பெயரில் அரச சார்­பற்ற குழுக்கள் அர­சு­க­ளுக்கு எதி­ராக போர்க்­கொடி தூக்­கு­கி­றார்­களோ, அங்­கெல்லாம் நெவில் ரோய் சிங்­கத்தின் தலை­யீடு இருக்கும். இந்த அமைப்­புக்­க­ளுக்கு காசு கொடுத்து, சீன அர­சாங்கம் பேச நினைக்கும் விட­யங்­களை பேச வைப்பார்" என நியூயோர்க் ரைம்ஸ் பத்­தி­ரிகை எழு­தி­யி­ருந்­தது.  இந்த மனிதர் சீனாவின் ஹுவாவே நிறு­வ­னத்­திற்கு ஆலோ­ச­க­ராக கட­மை­யாற்­றி­யவர் என்­பது உபரித் தகவல்.

இந்­தி­யாவில் நிதி விவ­கா­ரங்­களை கண்­கா­ணிக்­கக்­கூ­டிய அமு­லாக்கல் பணி­யகம் (Enforcement Directorate) என்­றொரு அமைப்பு உண்டு. இந்த அமைப்பு நியூஸ்-­கிளிக் இணை­யத்­த­ளத்தை விசா­ரித்­தது.

இதன்­போது, கடந்த மூன்­றாண்­டு­களில் 38 கோடி இந்­திய ரூபாவை நியூஸ்-­கிளிக் இணை­யத்­தளம் பெற்­றி­ருப்­ப­தாக இந்­திய அமு­லாக்கல் பணி­யகம் கூறு­கி­றது. இந்த 38 கோடி எங்­கி­ருந்து கிடைத்­தது என்­பதை ஆராய்ந்தால், அதன் மூல­தாரம் சீனாவில் இருக்­கி­றது எனவும் அப்­ப­ணி­யகம் குற்றம் சுமத்­து­கி­றது.

இந்தப் பணி­ய­கத்தின் கருத்­துப்­படி, இன்­ன­தென்று அறிய முடி­யாத மூலா­தா­ரங்­களில் இருந்து நியூஸ்-­கி­ளிக்­கிற்கு நிதி கிடைத்­துள்­ளது. 2017ஆம் ஆண்டு தொடக்கம் நெவில் ரோய் சிங்­கத்தை செய்தி ஆசி­ரியர் பிரபீர் அறிந்­தி­ருந்­தாலும், அவ­ரு­ட­னான தொடர்­பு­களை விசா­ர­ணை­யின்­போது பிரபீர் மறைத்­தி­ருந்­த­தா­கவும் அமு­லாக்கல் பணி­யகம் கூறு­கி­றது.

நியூஸ்-­கிளிக் இணை­யத்­தள விவ­காரம் இந்­தி­யாவில் அர­சியல் புயலைக் கிளப்பி விட்­டி­ருப்­ப­தற்கும் காரணம் இல்­லாமல் இல்லை. ஒரு புறத்தில் தேச­பக்தி, மறு­பு­றத்தில் வெளி­நாட்டு சக்­திகள். இவை வெறும் வாயை மெல்­லக்­கூ­டிய அர­சியல் கட்­சி­க­ளுக்கு கிடைத்த அவல் என்­பதில் எது­வித சந்­தே­கமும் கிடை­யாது. இதன் கார­ண­மா­கவே, காங்­கிரஸ் கட்­சியும், இட­து­சாரி சக்­தி­களும் நியூஸ்-­கிளிக் நிறு­வ­னத்தைக் காப்­பாற்ற முனை­வ­தாக பா.ஜ­.க.வின் அமைச்­சர்கள் குற்றம் சுமத்­து­கி­றார்கள்.

இந்த விவ­கா­ரத்தின் அடிப்­ப­டையில் பரந்த அளவில் குற்­றச்­சாட்­டுக்­களும், மறு­த­லிப்­பு­களும் முன்­வைக்­கப்­ப­டு­கின்­றன. எது உண்மை, எது தவறு என்­பதைக் கண்­ட­றிய முடி­யாத அள­விற்கு விட­யங்கள் சோடிக்­கப்­ப­டு­கின்­றன. எந்­த­வொரு குற்­றச்­சாட்­டையும் ஏற்றுக் கொள்ள முடி­யாது என நியூஸ்கிளிக் அமைப்பு மறுப்­ப­றிக்கை விடு­வதை புரிந்து கொள்ள முடியும். எந்­த­வொரு ஊடக ஒடுக்­கு­மு­றை­யிலும் நெறி­மு­றைகள் கிடை­யாது எனவும் பிரபீர் குறிப்­பி­டு­கிறார்.

தமது நிறு­வ­னத்­திற்கு எதி­ராக பொலிஸார் நட­வ­டிக்கை எடுக்க வேண்­டு­மாயின், முறைப்­பாட்டை பதிவு செய்த எவ்.ஐ.ஆர். அறிக்­கையில் உள்ள குற்­றச்­சாட்­டுக்­களை விப­ரித்­தி­ருக்க வேண்டும். ஆனால், அப்­படி எதுவும் செய்­யப்­ப­ட­வில்லை. மாறாக, செய்­தி­யா­ளர்­களின் திறன்­பே­சி­க­ளையும், மடிக்­க­ணி­னி­க­ளையும் பொலிஸார் கைய­கப்­ப­டுத்­தி­யுள்­ளனர். இவை இல்­லாமல் எவ்­வாறு வேலை செய்­வது, இது ஊடகப் பணியை செய்ய விடாமல் தடுத்து விடும் முயற்சி அல்­லவா என்று நியூஸ்-­கிளிக்  கேள்வி எழுப்­பி­யுள்­ளது.

'ஹிந்து' பத்­தி­ரி­கையும் தலை­யங்­கத்தில் இதே விஷ­யத்தைத் தான் பேசு­கி­றது. சட்­ட­வி­ரோத நட­வ­டிக்­கை­களை தடை செய்யும் சட்­டத்தின் கீழ், இரு­வரைக் கைது செய்­தி­ருக்­கி­றார்கள். அந்தக் கைது­களை நியா­யப்­ப­டுத்­தக்­கூ­டிய குற்­றச்­சாட்டு எது­வென்­பதை தெளி­வாக அர­சாங்கம் வரை­ய­றுக்­கா­விட்டால், அதன் அர்த்தம் என்ன என்று ஹிந்து பத்­தி­ரிகை கேள்வி எழுப்­பு­கி­றது. சீனா­வுடன் தொடர்­பு­களைக் கொண்ட பயங்­க­ர­வாத விவ­கா­ரத்தை விசா­ரிப்­ப­தாக பொலிஸார் கூறி­ய­போ­திலும், இங்கு பயங்­க­ர­வா­தத்­துடன் தொடர்­பு­ப­டுத்­தக்­கூ­டிய எது­வித விட­யமும் கிடை­யா­தென ‘ஹிந்து' பத்­தி­ரிகை கூறு­கி­றது.

“நியூயோர்க் ரைம்ஸ் பத்­தி­ரிகை ஏதோ­வொன்றை எழு­தி­விட்டால், அதனை எடுத்துக் கொண்டு நியூஸ்-­கிளிக் நிறு­வ­னத்தை வில்­ல­னாக சித்­த­ரிக்க அர­சாங்கம் முனை­கி­றது. இது விமர்­சன ஊட­க­வி­யலின் கழுத்தை நெறிக்கும் செயல். கழுத்தை நெறிப்­ப­தற்­காக ஒரு ஊடக நிறு­வனம் பலிக்­க­டா­வாக மாற்­றப்­பட்­டுள்­ளது. எந்­த­வொரு அர­சாங்­கமும் வெறு­மனே சந்­தே­கத்தின் அடிப்­ப­டையில் கருத்து வெளிப்­பாட்டு சுதந்­தி­ரத்தை ஒடுக்க முடி­யாது” என ஹிந்து பத்­தி­ரி­கையின் தலை­யங்­கத்தில் எழு­தப்­பட்­டுள்­ளது.

நியூஸ்­கிளிக் இணை­யத்­த­ள­மொன்றும் மிகப்­பெ­ரிய ஊடக நிறு­வனம் கிடை­யாது. இன்று இந்­தி­யாவின் ஊடக ஜாம்­ப­வான்கள் இந்த நிறு­வ­னத்­திற்­காக ஒன்று சேர்ந்­தி­ருக்­கி­றார்கள் என்றால், இது மிகவும் உணர்­வு­பூர்­வ­மான பிரச்­சனை என்­பதை மறு­த­லிக்க முடி­யாது.

அமெ­ரிக்­காவில் உள்ள கோடீஸ்வரர் ஒருவர் சீனாவின் கோட்பாடுகளைப் பரப்புவதற்காக உலக நாடுகளில் ஊடக அமைப்புக்களைத் தூண்டி விடுகிறார் என்று நியூயோர்க் ரைம்ஸ் பத்திரிகை முன்வைத்த குற்றச்சாட்டும், அதன் அடிப்படையில் இந்திய அரசாங்கம் பயங்கரவாத சட்டமொன்றை கையில் எடுத்துக் கொண்டு செயற்படுவதும் மிகத் தீவிரமான விஷயங்கள்.

பா.ஜ.க. தலைமையிலான அரசாங்கம் எப்போது ஆட்சி பீடமேறியதோ, அந்த நாள் தொடக்கம் ஊடக சுதந்திரம் ஒடுக்கப்பட்டதாக உலக அளவில் விமர்சனங்கள் உள்ளன. போதாக்குறைக்கு, பத்திரிகை சுதந்திரம் சிறப்பாக உள்ள நாடுகளின் பட்டியலில் இந்தியா 150ஆவது இடத்தில் இருந்து 161ஆவது இடம் வரை கீழிறங்கியுள்ளது.

எனவே, நியூஸ்-கிளிக் விவகாரத்திலேனும் இந்திய அரசாங்கம் சற்று மனசாட்சியுடன் செயற்படுவது அவசியம். குற்றச்சாட்டுக்கள் உண்மையெனில் அவற்றை ஆதாரத்துடன் நிரூபிப்பது மாத்திரமன்றி, நிரூபிக்கத் தவறும் பட்சத்தில் தவறை ஏற்றுக் கொள்ளவேனும் அரசாங்கம் முன்வர வேண்டும்.