தவறவிடாதீர்கள்..!உடனே பதிவு செய்யுங்கள்

அம்பாறை நிந்தவூரில் வீடு ஒன்றின் முன்னால் நிறுத்திவைக்கப்பட்டிருந்த மோட்டர் சைக்கிளை திருடிச் சென்ற 3 பேரை புதன்கிழமை (04) பொலிஸார் கைதுள்ளனர்.

இதையடுத்து செய்ததுடன் திருடப்பட்ட மோட்டார் சைக்கள் உட்பட 4 மோட்டார் சைக்கிள்களை வாகனம் திருத்தும் இடத்திலிருந்து மீட்டுள்ளதாக நிந்தவூர் பொலிசார் தெரிவித்தனர்.

மோட்டார் சைக்கிளை தொலைத்தவர் பொலிஸ் நிலையத்தில் செய்த முறைப்பாட்டையடுத்து பொலிசார் விசாரணைகளை மேற்கொண்டுவந்தனர்.

இந்நிலையில் விசேட புலனாய்வு பிரிவினரின் தகவலுக்கு அமைவாக சம்பவதினமான புதன்கிழமை (04) வாழைச்சேனை பொலிஸ் பிரிவிலுள்ள பிறைந்துறைச்சேனை பகுதியில் மோட்டர்சைக்கிளை திருடிச் சென்ற 3 பேர் கைதுசெய்யப்பட்டனர்.

இதையடுத்து திருடப்பட்ட 4 மோட்டர்சைக்கிள்கள்  வாழைச்சேனையில் உள்ள வாகன திருத்துமிடமொன்றிலிருந்து பொலிஸார் மீட்டனர்.

இதில் கைது செய்யப்பட்டவர்கள் 22, 28, 27 வயதுடைய பிறைந்துறைச்சேனையைச் சேர்ந்தவர்கள் எனவும் இவர்களை இன்று வியாழக்கிழமை சம்மாந்துறை நீதவான் நீதிமன்றத்தில் ஆஜர்படுத்த நடவடிக்கை எடுத்துள்ளதாக பொலிசார் தெரிவித்தனர்.

இது தொடர்பான மேலதிக விசாரணைகளை நிந்தவூர் பொலிசார் மேற்கொண்டுவருகின்றனர்.