தவறவிடாதீர்கள்..!உடனே பதிவு செய்யுங்கள்

(எம்.ஆர்.எம்.வசீம், இராஜதுரை ஹஷான்)

முல்லைத்தீவு மாவட்ட நீதிபதி டி.சரவணராஜா முன்வைத்த குற்றச்சாட்டுக்கள் பாரதூரமானவை.காலம் தாழ்த்தாது விசாரணைகளை மேற்கொண்டு உண்மையை பகிரங்கப்படுத்த வேண்டும்.

இல்லையேல்  நீதிமன்றத்தின் மீதான மக்களின் நம்பிக்கை சிதைவடையும் என  பாராளுமன்றத்தில் சுயாதீனமாக செயற்படும் எதிரணியின் உறுப்பினர் பேராசிரியர் ஜி.எல்.பீரிஸ் தெரிவித்தார்.

பாராளுமன்றத்தில் செவ்வாய்க்கிழமை (3) இடம்பெற்ற  குடியியல் நடவடிக்கை முறைச் சட்டக்கோவை (திருத்தச்) சட்டமூலம் மற்றும் தேர்தல்கள் (விசேட ஏற்பாடுகள்) சட்டமூலம் ஆகியன மீதான  விவாதத்தில் உரையாற்றுகையில் மேற்கண்டவாறு குறிப்பிட்டார்.

அவர் மேலும் உரையாற்றியதாவது,

அரசியலமைப்பின் 14 ஆவது  திருத்தத்தில் குறிப்பிடப்பட்டுள்ள அடிப்படை மனித உரிமைகளை நீதித்துறையே பாதுகாக்கிறது.

அரசியலமைப்பால் குறிப்பிடப்பட்டுள்ள அடிப்படை உரிமைகளுக்கு எதிரான செயற்பாடுகள் முன்னெடுக்கப்படும் போது நீதிமன்றத்தின் ஊடாக அந்த முயற்சிகள் தடுக்கப்பட வேண்டும்.

நீதிபதிகள் அச்சமின்றி செயற்படுவதற்கு நீதித்துறை சுயாதீனமாக செயற்பட வேண்டும்.முல்லைத்தீவு நீதிமன்ற நீதிபதி பாரதூரமான குற்றச்சாட்டுக்களை முன்வைத்துள்ளார்.

சுயாதீனமான முறையில் செயற்பட முடியாது ஆகவ பதவி விலகுவாக குறிப்பிட்டு அவர் நாட்டை விட்டு வெளியேறியுள்ளார்.இலங்கையின் நீதிக்கட்டமைப்பில் இவ்வாறான  நிலை முன்னொருபோதும்  ஏற்படவில்லை.

முல்லைத்தீவு நீதிமன்ற நீதிபதி முன்வைத்துள்ள குற்றச்சாட்டுக்கள் பாரபட்சமின்றிய வகையில் வெகுவிரைவாக விசாரிக்கப்பட்டு உண்மை பகிரங்கப்படுத்த வேண்டும்.இல்லையேல் நீதிமன்றத்தின் மீதான மக்களின் நம்பிக்கை சிதைவடையும் என்றார்.