தவறவிடாதீர்கள்..!உடனே பதிவு செய்யுங்கள்

லத்தீப் பாரூக்

2011 இல் லிபியா மீது அமெ­ரிக்கா – நேட்டோ நடத்­திய யுத்தம் அங்கு ஆயி­ரக்­க­ணக்­கான மக்கள் மரணம் அடை­யவும் அந்த நாட்டின் மிக நவீன உட்­கட்­ட­மைப்பு வச­திகள் சீர்­கு­லை­யவும் கார­ண­மாக அமைந்­தது. பெற்­றோ­லிய வளம் மிக்க அந்த நாடு இன்று ஒரு வெற்று பூமி­யாக மாற்­றப்­பட்­டுள்­ளது.

அண்­மையில் லிபி­யாவில் டேர்னா பிர­தே­சத்தில் 20 ஆயிரம் உயிர்கள் பலி­யா­கவும் மேலும் 30 ஆயி­ரத்­துக்கும் அதி­க­மா­ன­வர்கள் காணாமல் போகவும் கார­ண­மாக இருந்த பெரு வெள்­ளத்­துக்கு இந்த ஆக்­கி­ர­மிப்பு யுத்­தமும் ஒரு கார­ண­மாக அமைந்­துள்­ள­தாக சில தக­வல்கள் இப்­போது வெளி­வந்­துள்­ளன.

மத்­திய கிழக்கு பிராந்­தி­யத்தில் 2010/11 அரபு வசந்த போராட்­டத்தின் போது லிபியா மக்­களும் அர­சியல் சுதந்­தி­ரத்­துக்­காக விழித்­தெ­ழுந்­தனர். மக்­களின் இந்த உரிமைக் குரல்­க­ளுக்கு செவி சாய்ப்­ப­தற்கு பதி­லாக லிபி­யாவின் அன்­றைய சர்­வா­தி­கார ஆட்­சி­யாளர் முவம்மர் கடாபி அந்த மக்கள் எழுச்­சியை நசுக்க முனைந்தார்.

அது லிபிய மக்­க­ளுக்கும் லிபிய அர­சுக்கும் இடை­யி­லான ஒரு உள்­வீட்டு பிரச்­சி­னை­யாகத் தான் இருந்­தது. ஆனால், இந்த நெருக்­கடி நிலையை தமக்கு சாத­க­மாக்கிக் கொண்ட நேட்டோ அமைப்பு தேவை­யின்றி அந்த உள்­நாட்டு பிரச்­சி­னையில் மூக்கை நுழைத்­தது. இதனால் மோச­மான குண்டு வீச்­சுக்கு இழக்­கான லிபி­யாவில் ஆயி­ரக்­க­ணக்­கான அப்­பாவி மக்­களும் கொல்­லப்­பட்­டனர். நாட்டின் உட்­கட்­ட­மைப்பு முற்­றாக நாச­மாக்­கப்­பட்­டது. அழ­கிய அந்த நாடு கிட்­டத்­தட்ட ஒரு கொலைக்­க­ள­மாக மாற்­றப்­பட்­டது.

இந்தக் குழப்­பங்­களின் நடுவே அவர்கள் லிபியா தலைவர் கடா­பி­யையும் துரத்திச் சென்று கொன்­றனர். அதன் பிறகு அந்த நாட்டை இரு கூறு­க­ளாகப் பிரித்து அங்கு மேலும் குழப்­பங்­க­ளையும் அர­சியல் ஸ்திர­மற்ற நிலை­யையும் உரு­வாக்­கினர். இன்றும் அந்த நிலை­மைதான் அங்கு தொட­ரு­கின்­றது.

அமெ­ரிக்க – நேட்டோ மற்றும் இஸ்ரேல் ஆகிய நாச­கார சக்­தி­களால் இன்றும் தொடர்ந்து முன்­னெ­டுக்­கப்­ப­டு­கின்ற முஸ்லிம் நாடு­களை அழித்து சின்­னா­பின்­ன­மாக்­கு­கின்ற சதித் திட்­டத்தின் ஒரு அங்­க­மாகத் தான் இது முன்­னெ­டுக்­கப்­பட்­டது. ஈராக் - சிரியா ஆகிய நாடு­களின் வரி­சையில் ஏனைய பலம் பொருந்­திய செல்வம் மிக்க முஸ்லிம் நாடு­க­ளையும் அழித்து இஸ்­ரேலை அந்தப் பிராந்­தி­யத்தில் பாது­காப்­பாக வைத்­தி­ருப்­பது தான் இதன் இலக்கு.

2011 இல் பராக் ஒபாமா தலை­மையின் கீழான அரசு தான் நேட்­டோ­வுடன் லிபி­யா­வுக்கு எதி­ரான யுத்­தத்தில் ஈடு­பட்டு நீண்ட நாட்­க­ளாக லிபி­யாவை ஆட்சி செய்த கடா­பியின் ஆட்­சிக்கு முடிவு கட்டி அந்த நாட்டை அழித்­தது. ஆத்­தி­ரத்தில் வீசப்­பட்ட குண்­டுகள் அந்த நாட்டில் மோச­மான சிவில் யுத்­தத்தை ஏற்­ப­டுத்தி இன்றும் அது தொட­ரு­கின்­றது. இதனால் ஒரு காலத்தில் ஆபி­ரிக்­காவில் செல்வம் மிக்க நாடாக இருந்த லிபியா இன்று வெற்று பூமி ஆக்­கப்­பட்­டுள்­ளது.

நிவா­ரணப் பணி­களில் ஈடு­பட்­டுள்ள அமைப்­புக்­க­ளுக்கு அமெ­ரிக்கா அவ­சர நிதி உத­வி­களை அனுப்பி வைத்­துள்­ள­தா­கவும் தெரி­விக்­கப்­பட்­டுள்­ளது. ஆனால் எவ்­வ­ளவு அனுப்­பப்­பட்­டது என்­பது பற்றி எதுவும் தெரி­விக்­கப்­ப­ட­வில்லை. நிச்­ச­ய­மாக அந்தத் தொகை அவர்கள் 2011 இல் லிபி­யா­வுக்கு எதி­ரான யுத்­தத்­துக்கு செல­விட்ட 1.1 பில்­லியன் அமெ­ரிக்க டொலர்­க­ளா­கவோ அல்­லது அதற்கு கிட்­டிய ஒரு தொகை­யா­கவோ அல்­லது தற்­போது ரஷ்ய, உக்ரேன் யுத்­தத்­துக்கு செல­வி­டப்­பட்­டு­வரும் தொகைக்கு கிட்­டி­ய­தா­கவோ அமையப் போவ­தில்லை.

லிபிய யுத்த நிவா­ர­ணத்­துக்­காக ஐக்­கிய நாடுகள் சபை விடுத்­துள்ள வேண்­டு­கோளில் கோரப்­பட்­டுள்ள தெகை 71 மில்­லியன் டொலர்கள் மட்­டுமே. அந்த மக்­க­ளுக்கு ஏற்­பட்­டுள்ள அழி­வு­க­ளோடும் உக்ரேன் யுத்­தத்­துக்­காக செல­வி­டப்­பட்டு வரும் தொகை­யோடும் ஒப்­பி­டு­கையில் இது ஒரு சொற்பத் தொகை.

ஒரு வகையில் ஐக்­கிய நாடு­களும் லிபிய அழி­வுக்கு பொறுப்­பேற்க வேண்டும். 2011 மார்ச் 17ல் ஐக்­கிய நாடுகள் பாது­காப்புச் சபை லிபியா மீதான நட­வ­டிக்­கைக்கு அத­ர­வ­ளித்­தது. (ரஷ்­யாவும் சீனாவும் வாக்­க­ளிப்பில் கலந்து கொள்­ள­வில்லை. அவர்கள் தமக்­குள்ள வீட்டோ அதி­கா­ரத்தைப் பாவிக்­கவும் இல்லை) இதன்­படி லிபி­யாவின் பெங்­காஸி நகரம் உட்­பட சகல நக­ரங்­க­ளிலும் மக்­களைப் பாது­காக்கும் நட­வ­டிக்கை என்ற பெயரில் எதையும் செய்யும் அதி­காரம் பாது­காப்புச் சபை அங்­கத்­துவ நாடு­க­ளுக்கு வழங்­கப்­பட்­டது.

இந்த யுத்தம் மூலம் லிபி­யாவின் அதிபர் கடாபி உட்­பட 25,000 மக்கள் கொன்று குவிக்­கப்­பட்­டனர். அமெ­ரிக்க இரா­ணுவத் தலை­மை­யகம் பெண்­டகன் மற்றும் புல­னாய்வு பிரிவு சி.ஜ.ஏ. என்­ப­ன­வற்­றாலும் பிரிட்டன், பிரான்ஸ் ஆகிய நாடு­க­ளாலும் பயிற்­று­விக்­கப்­பட்டு கூலிக்கு அமர்த்­தப்­பட்ட கூலிப் படை­யி­னரால் கடாபி மிக மோச­மான முறையில் கொடூ­ர­மாகக் கொல்­லப்­பட்டார். இந்தக் கூலிப்­டையைச் சேர்ந்­த­வர்கள் அங்­கி­ருந்து சி.ஜ.ஏ.யால் நேர­டி­யாகப் பொறுப்­பேற்­கப்­பட்டு கப்பல் வழி­யாக சிரி­யா­வுக்கு அழைத்து வரப்­பட்டு சிரியா ஜனா­தி­பதி பஷர் அல் அஸாத்­துக்கு எதி­ரான போராட்­டத்தில் ஈடு­ப­டுத்­தப்­பட்­டனர்.

லிபியா மீதான அமெ­ரிக்க நேட்டோ குண்டு வீச்சு அதனைத் தொடர்ந்து அந்த நாட்டின் பெரு­வா­ரி­யான பெற்­றோ­லிய வளம் மற்றும் வாயு வளம் என்­ப­ன­வற்றின் மீகு குறி­வைத்து செயற்­படும்  பல்­வேறு  வெளி­நாட்டு சக்­தி­களால் ஆத­ரிக்­கப்­படும் போட்டிக் குழுக்­க­ளுக்கு இடை­யி­லான மோதல்கள், இன்று ஆபி­ரிக்­காவின் மிகப் பெரிய சிவில் யுத்­த­மாக உரு­வெ­டுத்­துள்­ளன. லிபியா இன்று, பெங்­கா­ஸியில் தலை­மை­ய­கத்தைக் கொண்­டுள்ள கிழக்குப் பிராந்­திய நிர்­வாகம், தலை­நகர் திரிப்­போ­லியில் தலை­மை­ய­கத்தைக் கொண்­டுள்ள மேற்குப் பிராந்­திய நிர்­வாகம் என இரு கூறு­க­ளாகப் பிளவு படுத்­தப்­பட்­டுள்­ளது.

இதில் கிழக்கு பிராந்­திய ஆட்சி கலீபா அப்தார் என்­ப­வரின் தலை­மையில் செயல்­ப­டு­கின்­றது. முன்னர் ஒரு காலத்தில் இவர் அமெ­ரிக்­காவின் உளவு சேவை­யான சி.ஜ.ஏ. யின் ஒரு சொத்­தாக மதிக்­கப்­பட்­டவர். இப்­போது அவர் பிரான்ஸ், ரஷ்யா மற்றும் ஐக்­கிய அரபு அமீ­ர­கத்தின் சகா­வாக மாறி உள்ளார். டேர்னா பிராந்­தி­யத்தை எப்­போ­துமே சந்­தேகக் கண் கொண்டு நோக்­கி­யவர். காரணம் அங்கு இஸ்­லா­மிய அடிப்­ப­டை­வா­தி­க­ளி­னதும் அமெ­ரிக்க உள­வா­ளி­க­ளி­னதும் நட­வ­டிக்­கைகள் அதிகம் காணப்­பட்­டன.

தாக்­கு­தல்கள் மூலம்  சேதம் அடைந்த அந்தப் பகு­தி­களின் உட்­கட்­ட­மைப்பு வச­தி­களை புன­ர­மைக்­கவோ ஸ்திரப்­ப­டுத்­தவோ எவ்­வி­த­மான நட­வ­டிக்­கை­களும் எடுக்­கப்­ப­ட­வில்லை. அந்த நக­ருக்கு பாது­காப்பு அர­ணாக இருந்து வந்த இரண்டு பிர­தான நீர்த்­தேக்­கங்­க­ளிலும் வெடிப்­புக்கள் ஏற்­பட்­டுள்­ள­தாக பல தட­வைகள் சுட்­டிக்­காட்­டப்­பட்டு அது தொடர்­பாக எவ்­வித நட­வ­டிக்­கை­களும் எடுக்­கப்­ப­ட­வில்லை.

வழ­மை­யாக வரண்டு போய் காணப்­படும் டேர்னா நகரை ஊட­றுத்துச் செல்லும் நதியின் படுகை பெரு­மழை கார­ண­மாக ஊற்­றெ­டுத்து வெள்ளம் ஏற்­பட்ட போது அதை தாங்­கவோ அல்­லது தடுக்­கவோ, ஏற்­கெ­னவே கண்­ணுக்குத் தெரியும் வகையில்  பெரும் வெடிப்­புக்கள் ஏற்­பட்­டி­ருந்த நீர்த்­தேக்­கங்­களால் முடி­ய­வில்லை. இதுவே மாபெரும் அழி­வுக்கு வழி­ய­மைத்­தது என்று தற்­போது தெரிய வந்­துள்­ளது.

அண்­மையில் இந்தப் பிராந்­தி­யத்தில் வீசிய டேனியல் என்ற புயல் கார­ண­மாக பிர­தான இரண்டு நீர்த்­தேக்­கங்­களும் மிக மோச­மாக சேத­ம­டைந்­தன.

 இந்தப் பிராந்­தி­யத்தில் கிட்­டத்­தட்ட ஒரு வரு­டத்­துக்­கான சரா­சரி மழை வீழ்ச்சி ஒரு சில மணி­நே­ரங்­களில் பொழிந்­தது. இந்த கன­மழை கொள்­ள­ளவை தாங்க முடி­யாமல் நீர்த்­தக்­கங்­களில் சுவர்கள் இடிந்து வீழ்ந்­தன. இந்த அணை­களைத் தவிர வேறு எந்த நீர் தடுப்பு பாதுகாப்பும் இல்லாத சுமார் ஒரு லட்சம் மக்கள் வாழும் நகரம் முற்றாக நீரில் அடித்துச் செல்லப்பட்டது.

இந்த ஒட்டுமொத்த மனிதப் பேரழிவுக்கு மூல காரணமாக அமைந்தது ஒபாமா மற்றும் ஜோ பைடன் தலைமையிலான அமெரிக்க நிர்வாகமும் நேட்டோ குண்டு வீச்சும் தான் என்பது பற்றி அமெரிக்க மற்றும் மேற்குலக ஊடகங்கள் எதுவும் பேசாமல் வாய்மூடி மௌனம் காத்தன. இவ்வளவு நடந்தும் அரசியல் ரீதியாகவோ அல்லது சட்ட ரீதியாகவோ வொஷிங்டனின் யுத்தக் குற்றவாளிகளுக்கு எதிராக எவ்வித நடவடிக்கைகளும் இதுவரை எடுக்கப்படவில்லை என்பதும் கவலைக்குரியதாகும்.