தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி குணச்சித்திர நடிகர்களில் ஒருவரான கலையரசன் கதையின் நாயகனாக நடித்திருக்கும் கொலை சேவல்' எனும் திரைப்படத்தின் ஃபர்ஸ்ட் லுக் வெளியிடப்பட்டிருக்கிறது. இதனை இயக்குநர் பா. ரஞ்சித் வெளியிட்டிருக்கிறார்.‌

அறிமுக இயக்குநர் வி. ஆர். துதிவாணன் இயக்கத்தில் தயாராகி இருக்கும் முதல் திரைப்படம் 'கொலை சேவல்'. இதில் கலையரசன், தீபா பாலு, பால சரவணன், 'அசுரன்' வெங்கட், கஜராஜ், ஆதவன் உள்ளிட்ட பலர் நடித்திருக்கிறார்கள். 

பி. ஜி. முத்தையா ஒளிப்பதிவு செய்திருக்கும் இந்த திரைப்படத்திற்கு சாந்தன் இசையமைத்திருக்கிறார். அழகான காதல் கதையாக தயாராகி இருக்கும் இந்த திரைப்படத்தை ஆர் பி பிலிம்ஸ் என்னும் பட நிறுவனம் சார்பில் ஆர். பி. பாலா மற்றும் கௌசல்யா பாலா ஆகியோர் இணைந்து தயாரித்திருக்கிறார்கள்.

இப்படத்தின் படப்பிடிப்பு நிறைவடைந்து இறுதி கட்டப் பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் ஃபர்ஸ்ட் லுக் வெளியிடப்பட்டிருக்கிறது.

படத்தை பற்றி இயக்குநர் பேசுகையில், '' அழகான காதல் கதையை அனைவரும் ரசிக்கும் வகையில் சொல்லி இருக்கிறோம். காதலுடன் சமூகத்திற்கு தேவையான முக்கியமான கருத்து ஒன்றையும் பதிவிட்டிருக்கிறோம். இப்படத்தில் உச்சகட்ட காட்சி அனைவரையும் வியப்பில் ஆழ்த்தும்'' என்றார்.