தவறவிடாதீர்கள்..!உடனே பதிவு செய்யுங்கள்

Notes :  இலங்கை  இராணுவத்தின் முன்னாள் தளபதியும் தற்போது பாராளுமன்ற உறுப்பினராகவும் உள்ள  பீல்ட் மார்ஷல் சரத் பொன்சேக்கா இராணுவத்தொனியிலேயே கருத்துக்களை தெரிவிக்கும் ஒருவராக தற்போது மாறி வருகின்றார். உயிர்த்த ஞாயிறு குண்டுத்தாக்குதல் தொடர்பில் அண்மையில் வெளியான சனல் –4  காணொலியானது, நேரடியாக ராஜபக்சவினரே இதன் பின்னணியில் உள்ளனர் என்று குற்றஞ்சுமத்தியிருந்தது. இந்நிலையில் தன்னை சிறைக்கு அனுப்பிய ராஜபக்சவினரை பழிவாங்கும் நோக்கில் அவர்களை நோக்கி தனது கடும் வார்த்தை போரை ஆரம்பித்துள்ளார். மட்டுமின்றி முன்னாள் ஜனாதிபதி மைத்ரிபாலவையும் கடுமையாக தாக்கி வருகின்றார். யுத்த காலகட்டத்தில் ராஜபக்சவினருக்கு நெருக்கமாக இருந்த சரத் பொன்சேக்கா யுத்த வெற்றி  நாயகராகவும் நாட்டு மக்களால் போற்றப்பட்டிருந்தார். இருப்பினும் அவர் பிரபலமாவதை விரும்பாத பாதுகாப்பு அமைச்சின் செயலாளராக விளங்கிய கோட்டாபய அவருக்கு பல வழிகளிலும் நெருக்கடிகளை கொடுத்தார். இதன் காரணமாக இராணுவத்திலிருந்துஓய்வு பெற்ற சரத் பொன்சேக்கா மகிந்தவுக்கு எதிராக 2010 ஆம் ஆண்டு ஜனாதிபதித் தேர்தலில் போட்டியிட்டார். அவர் தோல்வியைத் தழுவியவுடன் அவருக்கு எதிராக குற்றச்சாட்டுகளை முன்வைத்து மகிந்த அரசாங்கம் அவரை சிறைக்குள் தள்ளியது. இதன் பின்னணியில் அப்போதைய பாதுகாப்பு செயலாளர் கோட்டாபயவே இருந்தார் என்பதை நாடே அறியும். தனக்கு நேர்ந்த நிலைமைக்கு பழிவாங்கும் பாம்பாக   காத்திருக்கின்றார் சரத் பொன்சேக்கா என்பதே உண்மை.