தவறவிடாதீர்கள்..!உடனே பதிவு செய்யுங்கள்

சீயான் விக்ரம் நடிப்பில் தயாராகி இருந்த 'துருவ நட்சத்திரம்' எனும் திரைப்படத்தின் புதிய வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

இயக்குநரும், நடிகருமான கௌதம் வாசுதேவ் மேனன் இயக்கத்தில் தயாராகி இருக்கும் புதிய திரைப்படம் 'துருவ நட்சத்திரம்'. இதில் சீயான் விக்ரம், ரித்து வர்மா, ஆர். பார்த்திபன், ராதிகா சரத்குமார், சிம்ரன், விநாயகன், திவ்யதர்ஷினி, வம்சி கிருஷ்ணா, சலீம் பெய்க், சதீஷ் கிருஷ்ணன் உள்ளிட்ட பலர் நடித்திருக்கிறார்கள். மனோஜ் பரஹாம்சா, எஸ். ஆர். கதிர் மற்றும் விஷ்ணு தேவ் ஆகியோர் இணைந்து ஒளிப்பதிவு செய்திருக்கும் இந்த திரைப்படத்திற்கு ஹாரிஸ் ஜெயராஜ் இசையமைத்திருக்கிறார். புலனாய்வு அதிகாரிகளின் வாழ்வியலை மையப்படுத்தி திரில்லர் மற்றும் எக்சன் என்டர்டெய்னராக தயாராகி இருக்கும் இந்த திரைப்படத்தை ஒன்றாக் என்டர்டெய்ன்மெண்ட் எனும் பட நிறுவனம் சார்பில் தயாரிப்பாளர் கௌதம் வாசுதேவ் மேனன் தயாரித்திருக்கிறார் ப்ரீத்தி ஸ்ரீ விஜயன் படத்தில் இணை தயாரிப்பாளராக பணியாற்றியிருக்கிறார்.

2017 ஆம் ஆண்டில் இப்படத்தின் டீசர் வெளியானது. மேலும் இப்படத்தில் இடம்பெற்ற சில பாடல்களும் வெளியாகி ரசிகர்களிடம் பாரிய வரவேற்பை பெற்றிருந்தது. நீண்ட நாளாக எதிர்பார்ப்பில் இருந்த இந்த திரைப்படத்தின் அனைத்து பணிகளும் நிறைவடைந்து, தணிக்கை சான்றிதழும் பெறப்பட்ட நிலையில் தற்போது படத்தின் வெளியீட்டு திகதியை பட குழுவினர் அதிகாரப்பூர்வமாக அறிவித்திருக்கிறார்கள். அந்த வகையில் இந்த திரைப்படம் எதிர்வரும் நவம்பர் மாதம் 24 ஆம் திகதியன்று உலகம் முழுவதும் பட மாளிகையில் வெளியாகிறது.

ஸ்டைலிஷ் இயக்குனர் கௌதம் வாசுதேவ் மேனன் - வெர்ஸட்டைல் ஆக்டர் விக்ரம் இணைந்திருப்பதாலும், வெளிநாடுகளில் பிரம்மாண்டமாக படமாக்கப்பட்டிருப்பதாலும், இந்த திரைப்படத்திற்கான எதிர்பார்ப்பு ரசிகர்களிடத்திலும், திரையுலக வணிகர்களிடத்திலும் ஏற்பட்டிருக்கிறது.