தவறவிடாதீர்கள்..!உடனே பதிவு செய்யுங்கள்

அம்பாறை மாவட்டத்தின் கல்முனை, அக்கரைப்பற்று, நிந்தவூர், நாவிதன்வெளி, சம்மாந்துறை, பெரிய நீலாவணை,  பாண்டிருப்பு,  நற்பிட்டிமுனை,  சேனைக்குடியிருப்பு, காரைதீவு ஆகிய பகுதிகளில் பெய்த கடும் மழையால் ஏற்பட்ட வெள்ளத்தின் காரணமாக பல  குடும்பங்கள் நிர்க்கதிக்குள்ளாகியுள்ளன.

ஆகிய பகுதிகளில் வாழும் மக்கள் மழை வெள்ளம் காரணமாக சிரமங்களை எதிர்நோக்கி வருகின்றனர்.

தற்போது அங்குள்ள மக்களின்  வீடுகளிற்குள் மழை வெள்ளம் உட்புகும் நிலை ஏற்பட்டுள்ளது. இதற்கு மழை நீர் வழிந்தோடுவதற்குரிய முறையான வடிகால் இன்மையே முக்கிய காரணம் என்ற குற்றச்சாட்டு மக்களினால் முன்வைக்கப்பட்டுள்ளது.

மேற்படி, பகுதிகளில் பொதுமக்கள் ஒவ்வொரு வருடமும் மழையினாலும் அதனால் ஏற்படும் வெள்ளத்தினாலும் பாதிக்கப்படுகின்றமை குறிப்பிடத்தக்கது. சில சந்தர்ப்பங்களில் இம்மக்கள்  இடம்பெயரும் நிலைமை  ஏற்படுகிறது.

இப்பகுதிகளில் வசிக்கின்ற சில மக்களின் வாழ்வாதாரம் மோசமாக பாதிக்கப்பட்டுள்ளதுடன் அவர்களுக்கு  ஒழுங்கான வீடமைப்பு வசதி இல்லை. ஒழுங்கான வீதி கிடையாது. மின் சார வசதி இல்லை. நீர் வழிந்தோட ஒழுங்கான வடிகால்கள் இல்லை. சிறுவர்கள் பாடசாலைக்குச் செல்ல கஷ்டப்படுகின்றனர். தொழில் செய்வது சிரமமாக உள்ளது. 

கடந்த சில நாட்களாக பெய்துவரும் அடைமழை காரணமாக அப்பகுதியில் வசிக்கும் மக்களின் வீடுகளுக்குள் மழை வெள்ளம் தேங்கி நிற்பதால் பல  குடும்பங்கள் பாதிக்கப்பட்டுள்ளனர். இதனால் அன்றாட உணவுகளை சமைத்து உண்ண முடியாத நிலையில் மக்கள் காணப்படுகின்றனர்.

 தற்போது வெள்ள நீர் வழிந்தோடுவதற்காக சில முகத்துவாரங்கள்  வெட்டப்பட்டுள்ளதாக குறிப்பிடப்பட்டுள்ள போதிலும்,  வெள்ள நீர் தேங்கி காணப்படுகின்ற நிலைமையே தொடர்கதையாகவுள்ளது.