தவறவிடாதீர்கள்..!உடனே பதிவு செய்யுங்கள்

சனல்–4 அலைவரிசை கடந்த 6 ஆம் திகதி வெளியிட்ட உயிர்த்த ஞாயிறு தாக்குதல்கள் தொடர்பான ஆவணப்படம் இலங்கையின் பரபரப்பை ஏற்படுத்தி வருவது யாவரும் அறிந்ததே. தமது ஆட்சிக்கு எதிராக கருத்து வெளியிடும் ஊடகவியலாளர்களை கடத்தி அச்சுறுத்துதல் மற்றும் கொலை செய்தல் நடவடிக்கைகளுக்கு கோட்டாபய ராஜபக்ச இராணுவ புலனாய்வு பிரிவினர் மற்றும் எவருக்கும் தெரியாத திபோலி  பிளட்டூன் என்ற கொலைக் கும்பலை இயக்கினார் போன்ற விபரங்கள் தெரிவிக்கப்பட்டிருந்தன. பிரபல ஊடகவியலாளர் லசந்த விக்ரமதுங்க உள்ளிட்ட பல ஊடகவியலாளர்களை கொலை செய்தவர்கள் இந்த திரிபோலி பிளட்டூன் என்ற பிரிவினரே என்ற விடயங்கள் தற்போது அம்பலமாகியுள்ளன. இவ்வாறான இரகசிய கொலைக்குழுக்கள் இலங்கை இராணுவத்தில் மாத்திரமல்லாது உலகின் சகல இராணுவப் படைப்பிரிவுகளிலும் இயங்கி வருவது பொதுவானதொன்று. இவை நாடுகளுக்கிடையிலான யுத்த காலகட்டங்களிலும் ஆட்சி கவிழ்ப்பு நடவடிக்கைகளிலும் ஆட்சியினருக்கு எதிரானவர்களை கொலை செய்தல், கடத்தி சித்திரவதை செய்தல்,அச்சுறுத்தல் போன்ற விடயங்களிலும்   மிகவும் இரகசியமான முறையில் செயற்படும் உச்ச அளவில் பயிற்சி பெற்ற பிரிவாகும். தற்போது வரை இந்த பிரிவு இன்னும் இலங்கை இராணுவத்தில் இயங்குகின்றதா என்ற சந்தேகம் சனல்–௪ ஆவணப்படம் வெளிவந்த பிறகு பலருக்கு எழுந்துள்ள அதே வேளை இது குறித்த அச்சமும் தற்போது ஏற்பட்டுள்ளது.