தவறவிடாதீர்கள்..!உடனே பதிவு செய்யுங்கள்

நல்லூர் கந்தசுவாமி ஆலய வருடாந்திர மகோற்சவ சப்பர ரதம் நேற்று செவ்வாய்க்கிழமை (12) மாலை இடம்பெற்றது. 

மாலை 5 மணியளவில் ஆரம்பமான விசேட பூஜை வழிபாடுகளை தொடர்ந்து வேல் பெருமான் வள்ளி தெய்வானை சமேதரராய் மின்விளக்குகளால் அலங்கரிக்கப்பட்ட சப்பரத்தில் எழுந்தருளி பக்தர்களுக்கு அருட்காட்சி அளித்தார். 

அதனை தொடர்ந்து, தமிழர்களின் பாரம்பரிய கலைகளான கரகாட்டம், தீப்பந்த விளையாட்டுக்கள், வெளிவீதியில் இடம்பெற,  வேல்பெருமான் மின் விளக்குகளால் அலங்கரிக்கப்பட்ட சப்பரத்தில் வெளிவீதி உலா வந்தார்.

இன்றைய சப்பர திருவிழாவுக்கு இலங்கையின் பல பாகங்களில் இருந்தும் வெளிநாடுகளில் இருந்தும் பல்லாயிரக்கணக்கான பக்தர்கள் கலந்துகொண்டு முருகப்பெருமானின் அருட்காட்சியை கண்டுகளித்தனர்.