தவறவிடாதீர்கள்..!உடனே பதிவு செய்யுங்கள்

எம்பிலிபிட்டிய மாவட்ட பொது வைத்தியசாலையின் ஒரேயொரு மயக்க மருந்து நிபுணர் கடந்த வெள்ளிக்கிழமை (01) முதல் பணிக்கு சமுகமளிக்காததால் வைத்தியசாலையின் சத்திர சிகிச்சை பிரிவு மற்றும் அதிதீவிர சிகிச்சைப் பிரிவின் பணிகள் பாதிக்கப்பட்டுள்ளதாக வைத்தியசாலை அதிகாரிகள் தெரிவிக்கின்றனர்.

குறித்த மருத்துவரின் தந்தை என கூறிக்கொள்ளும் நபர் ஒருவர், வட்ஸ்அப் ஊடாக வைத்தியசாலை அதிகாரிகளுக்கு அனுப்பி வைத்துள்ள தகவலில் தனது மகள் மீண்டும் பணிக்கு திரும்பப் போவதில்லை என அறிவித்துள்ளதாகவும் வைத்தியசாலை பேச்சாளர் ஒருவர் தெரிவித்தார்.

மயக்க மருந்து நிபுணர் பணிக்கு வராததால் இரண்டு பிரதான சத்திர சிகிச்சை பிரிவுகள் மற்றும் அதிதீவிர சிகிச்சைப் பிரிவு ஆகியவற்றின் நடவடிக்கைகள் முற்றாக ஸ்தம்பிதமடைந்துள்ளதாகவும் வைத்தியசாலை அதிகாரிகள் தெரிவிக்கின்றனர்.

இந்நிலையில் தற்போது எம்பிலிபிட்டிய மாவட்ட பொது வைத்தியசாலைக்கு இரண்டு மயக்க மருந்து நிபுணர்களின் சேவை தேவை என வைத்தியசாலை அதிகாரிகள் தெரிவித்துள்ளனர்.