தவறவிடாதீர்கள்..!உடனே பதிவு செய்யுங்கள்

இனவாத கருத்துக்களை சிங்கள பெளத்த மக்கள் மத்தியில் பரப்பி, ரணில் தமிழர்களுக்கு சார்பாக செயற்படுகின்றார் என்ற கருத்தை கொண்டுசெல்லும் முயற்சிகளில் சரத் வீரசேகரவும் உதய கம்மன்பிலவும் களமிறங்கியுள்ளனர். இதன் பின்னணியில் ராஜபக்ஷ அணியினர் இருப்பர் என்று ஊகிக்கப்பட்டாலும் தற்போது இவர்களை தூண்டிவிடும் வேலையை பஸில் ராஜபக்ஷவே முன்னெடுத்து வருகின்றார் என்பது ஊர்ஜிதமாகியுள்ளது. பஸில், கோட்டாபய, மகிந்த, நாமல் அனைவரையும் புறக்கணித்துள்ள சிங்கள பெளத்த மக்கள் எவ்வாறு அந்த கூட்டத்தில் மூத்த சகோதரரான சமல் ராஜபக்ஷவை மாத்திரம் ஏற்றுக்கொள்வர்? ஆனால் பஸிலுக்கும் மகிந்தவுக்கும் வேறு மார்க்கங்கள் இல்லை. அவரை வைத்தாவது இனவாத வாக்குகளைப் பெற்று எதிர்க்கட்சி வரிசையிலாவது முதலிடத்தில் இருப்பதற்கு அவர்கள் முயற்சிக்கின்றனர்.