தவறவிடாதீர்கள்..!உடனே பதிவு செய்யுங்கள்

வவுனியாவில் கடந்த சில மாதங்களாக தங்களை புலனாய்வுப்பிரிவினர் என அடையாளம் காட்டி கொள்ளையில் ஈடுபட்ட மூவரை கடந்த செட்டிக்குளம் பொலிஸார் கைது செய்துள்ளனர்.

வாரிக்குட்டியூர், செட்டிக்குளம், முதலியார்குளம் போன்ற பகுதிகளில் தங்களை புலனாய்வுப்பிரிவினர் என அடையாளம் காட்டி வீட்டை பரிசோதனை செய்ய வேண்டும் என தெரிவித்து அதன் பின்னர் கத்தியினை காட்டி மிரட்டி கொள்ளையில் ஈடுபட்டுள்ளனர்.

 
இச் சம்பவம் தொடர்பாக செட்டிக்குளம், பூவரசங்குளம் ஆகிய பொலிஸ் நிலையங்களில் வீட்டு உரிமையாளர்கள் முறைப்பாட்டினை பதிவு செய்துள்ளனர்.

இச் சம்பவம் தொடர்பான விசாரணைகளை மேற்கொண்ட செட்டிக்குளம் பொலிஸார் 38,22,45 வயதுடைய மூன்று சந்தேக நபர்களையும் வவுனியாவில் வைத்து கைது செய்துள்ளனர்.

இவர்களிடமிருந்து புலனாய்வுப் பிரிவினரின் தொப்பி ஒன்று , கத்தி ஒன்று , தங்க நகைகள் , கறுப்பு சட்டை ஒன்று, தொலைபேசி மூன்று என்பன கைப்பற்றப்பட்டுள்ளதாக செட்டிக்குளம் பொலிஸார் தெரிவித்தனர்.

15,35,500 ரூபா களவாடப்பட்டதாகவும் ஜந்து வீட்டில் தாங்கள் களவெடுத்தகாகவும் சந்தேகநபர் ஒத்துக்கொண்டுள்ளதாக செட்டிக்குளம் பொலிஸார் தெரிவித்தனர்.

சந்தேக நபர்கள் மூவரும் இன்று வவுனியா நீதிவான் நீதிமன்றத்தில் ஆயர்ப்படுத்தபடவுள்ளமை குறிப்பிடத்தக்கது.