தவறவிடாதீர்கள்..!உடனே பதிவு செய்யுங்கள்

மாடு ஒன்றை திருடிய சம்பவம் தொடர்பில் கைது செய்யப்பட்ட கந்தளாய் பொலிஸ் நிலையத்தில் கடமையாற்றிவரும் பொலிஸ்கான்ஸ்டபிள் பணியில் இருந்து நேற்று செவ்வாய்க்கிழமை (22) இடைநிறுத்தப்பட்டுள்ளார்.

குறித்த பொலிஸ் நிலையத்தில் கடமையாற்றிவரும் அதே பிரதேசத்தைச் சேர்ந்த 31 வயதுடைய பொலிஸ்கான்ஸ்டபிள் ஒரு இலட்சத்து 50 ஆயிரம் ரூபா பெறுமதியான மாடு ஒன்றை திருடிய குற்றச்சாட்டில் கடந்த 20 ஆம் திகதி ஞாயிற்றுக்கிழமை பொலிஸாரால் கைதானார். 

கைது செய்யப்பட்டவர் நீதிமன்றில் ஆஜர்படுத்தப்பட்ட நிலையில், அவர் நீதிமன்ற பிணையில் வெளிவந்துள்ளார். 

இந்நிலையில், அவரை திருகோணமலை மாவட்ட சிரேஷ்ட  பொலிஸ் அத்தியட்சகர்  உடனடியாக பணியிலிருந்து  இடைநிறுத்தியுள்ளதாக அவர் தெரிவித்தார்.