தவறவிடாதீர்கள்..!உடனே பதிவு செய்யுங்கள்

சுபத்ரா

யானை வரும் பின்னே மணி­யோசை வரும் முன்னே என்­பது போல, HAI YANG 24 HAO என்ற சீனக் கடற்­படை கப்பல் கடந்த 10ஆம் திகதி காலை கொழும்புத் துறை­மு­கத்­துக்கு வந்­தது.

138 மாலு­மி­க­ளுடன் வந்த 129 மீற்றர் நீளம் கொண்ட அந்தக் கப்பல், மூன்­றா­வது நாள் கொழும்பு துறை­மு­கத்தில் இருந்து சென்று விட்­டது.

அந்தக் கப்பல் புறப்­படும் போது தான், சீனக் கப்­பலின் வரு­கைக்கு இலங்கை அர­சாங்­கத்­திடம் இந்­தியத் தரப்பில் கவலை வெளி­யி­டப்­பட்­ட­தாக அர­சியல் வட்­டா­ரங்­களில் தகவல் பர­வி­யது.

இந்­தி­யாவின் எதிர்ப்­பினால் தான், சில நாட்கள் தாம­த­மாக அந்தக் கப்பல் கொழும்புத் துறை­மு­கத்தை அடைந்­தது என்றும் இந்­திய ஊடகம் ஒன்று செய்தி வெளி­யிட்­டது.

அடுத்­த­டுத்த நாட்­களில், இந்­தியா எதிர்ப்பு வெளி­யிட்­டது, HAI YANG 24 HAO என்ற கப்­ப­லுக்கு அல்ல, அது மற்­றொரு கப்­ப­லுக்கு என்றும் கூறப்­பட்­டது.

ஆனால் HAI YANG 24 HAO என்ற கப்­பலை சாதா­ர­ண­மாக மதிப்­பிட்டு விட முடி­யாது. சீனாவின் விசேட ஆய்வுக் கப்பல் அது.

HAI YANG 24 HAO என்­பதன் தமிழ் மொழி­யாக்கம் “பெருங்­கடல் 24” ஆகும்.

ஆனால், இந்தப் பெயரில், சீன கடற்­ப­டையின் ஆய்வுக் கப்­பல்கள் எதுவும் இருப்­ப­தாக பகி­ரங்கத் தர­வு­களில் இல்லை. சீனாவின் படைத்­த­ள­பா­டங்கள் தொடர்­பான தர­வுகள் எல்­லாமே பகி­ரங்­கப்­ப­டுத்­தப்­ப­டு­வ­தில்லை. இர­க­சி­ய­மான கப்­பல்கள், விமா­னங்­களும் இருக்­கின்­றன.

அது­போல ஒரே பெயரில் வெவ்­வேறு குழப்­ப­மான போர்க்­கப்­பல்­க­ளையும் சீனா பயன்­ப­டுத்­து­கி­றது. சில­வற்­றுக்கு பெய­ரி­டா­மலும் பயன்­ப­டுத்­து­கி­றது.

கொழும்பு வந்­த­தாக கூறப்­படும் HAI YANG 24 HAO கப்பல், அவ்­வா­றான ஒன்­றாகத் தான் கரு­தப்­ப­டு­கி­றது.

இந்தக் கப்பல் கடந்த ஜூன் 10ஆம் திகதி தென் ஆபி­ரிக்­காவின் கேப் டவுண் துறை­மு­கத்­துக்குச் சென்­றது.

ஆர­வா­ர­மின்றி அந்தக் கப்பல் கேப்­டவுண் துறை­மு­கத்­துக்குள் நுழைந்­தது என்று ஆபி­ரிக்க துறை­மு­கங்கள், கப்­பல்கள் பற்­றிய தக­வல்­களை வெளி­யிடும் இணையம் ஒன்று படத்­துடன் செய்தி வெளி­யிட்­டி­ருந்­தது.

ஆனால், இலங்கை கடற்­படை வெளி­யிட்ட தக­வலில் சீன மக்கள் விடு­தலை இரா­ணு­வத்தின் போர்க்­கப்பல் என்றே குறிப்­பி­டப்­பட்­டி­ருந்­ததே தவிர, அது எந்த வகையை சேர்ந்­தது என்ற தக­வல்கள் ஏதும் இடம்­பெற்­றி­ருக்­க­வில்லை.

சீனாவின் இந்த விசேட ஆய்வுக் கப்பல், அதன் உண்மைத் தக­வல்­களைத் கொடுத்து, கொழும்பு துறை­மு­கத்­துக்குள் பிர­வே­சித்­ததா என்ற சந்­தே­கமும் உள்­ளது. எவ்­வா­றா­யினும், இந்தக் கப்­பலின்  பயணம் ஒரு முன்­னோட்டம் தான்.

எதிர்­வரும் ஒக்­டோபர் மாதம் 25ஆம் திகதி சீனக் கடற்­ப­டையின் Shi Yan 6 என்ற ஆய்வுக் கப்பல், கொழும்பு துறை­மு­கத்­துக்கு வர­வுள்­ளது.

17 நாட்கள் இலங்கை கடற்­ப­ரப்பில் தரித்து நின்று ஆய்­வு­களை மேற்­கொள்­ள­வுள்ள இந்தக் கப்பல், அம்­பாந்­தோட்டை துறை­மு­கத்­துக்கும் செல்லும் எனத் தெரி­விக்­கப்­பட்­டுள்­ளது.

இந்தக் கப்­பலின் வருகை உறுதி செய்­யப்­பட்டு, இந்­தி­யா­வுக்கும் தெரி­யப்­படுத்­தப்­பட்ட பின்னர் தான், அங்­கி­ருந்து எதிர்ப்புத் தெரி­விக்­கப்­பட்­டது.

ஆனால், இலங்கை கடற்­படை கடந்த 16ஆம் திகதி வரை, சீனக்­கப்பல் வரு­வது குறித்து பாது­காப்பு அமைச்சு தமக்குத் தெரி­யப்­ப­டுத்­த­வில்லை என்றே கூறிக் கொண்­டி­ருந்­தது.

சீன ஆய்வுக் கப்­ப­லான Shi Yan 6, ஒக்­டோபர் 25ஆம் திகதி கொழும்பு வரும் என்றும், நாரா எனப்­படும், தேசிய கடல் வளங்கள் ஆய்வு மற்றும் அபி­வி­ருத்தி முகா­மை­யு­டன்­ இ­ணைந்து அது ஆய்­வு­களை மேற்­கொள்ளும் என்றும் 16ஆம் திக­தியே கடற்­படைப் பேச்­சாளர், கூறினார்.

ஆனால், ருகுணு பல்­க­லைக்­க­ழ­கத்­துடன் செய்து கொண்ட உடன்­பாட்­டுக்கு அமைய, தங்­களின் சொந்த ஆராய்ச்­சிக்­காக கடல் நீர் மாதி­ரி­களைப் பெறு­வ­தற்­கா­கவே சீனக் கப்பல் வரு­வ­தாக நாரா அதி­கா­ரிகள் தெரி­வித்­தி­ருக்­கின்­றனர்.

இந்த ஆய்வின் போது, சீன ஆய்வுக் கப்­பலில் தங்­களின் ஆய்­வா­ளர்கள் இணைந்து பணி­யாற்­று­வ­தற்கு அனு­மதி கோரி­ய­தா­க­வும இது­வரை அந்த அனு­மதி வழங்­கப்­ப­ட­வில்லை என்றும், ருகுணு பல்­க­லைக்­க­ழக சமுத்­தி­ர­வியல் மற்றும் கடல் வளங்கள் துறை தெரி­வித்­துள்­ளது.

சீன ஆய்வுக் கப்­ப­லான Shi Yan 6 தொடர்ந்து 17 நாட்கள் இலங்கை கடற்­ப­ரப்பில் தரித்து நிற்­பதை இந்­தியா விரும்­ப­வில்லை.

இது­கு­றித்த இந்­தியா இரா­ஜ­தந்­திர ரீதி­யான எதிர்ப்பை பதிவு செய்­தி­ருப்­ப­தாக புது­டெல்லி செய்­திகள் தெரி­விக்­கின்­றன.

கடந்த மாதம் ஜனா­தி­பதி ரணில் விக்­கி­ர­ம­சிங்க இந்­தியப் பிர­தமர் நரேந்­திர மோடி­யைச சந்­தித்து பேச்சு நடத்­திய போது, இந்­தி­யாவின் பாது­காப்பு மற்றும் மூலோ­பாய கவ­லை­களை இலங்கை அர­சாங்கம் உணர்­வு­பூர்­வ­மாக எடுத்துக் கொள்ளும் என்று உறு­தி­ய­ளித்­தி­ருந்தார்.

ஆனால், ஒரே மாதத்தில் சீன ஆய்வுக் கப்­பல்­க­ளுக்கு, இலங்கை அர­சாங்கம் அனு­மதி அளித்­ததை இந்­தியா அதிர்ச்­சி­யுடன் கவ­னிக்­கி­றது.

2014ஆம் ஆண்டு சீனாவின் நீர்­மூழ்கிக் கப்பல்  கொழும்பு துறை­மு­கத்தில் தரித்துச் சென்­றதால், அப்­போ­தைய மஹிந்த ராஜபக் ஷ அர­சாங்­கத்­துக்கும் புது­டெல்­லிக்கும் இடையில் இரா­ஜ­தந்­திர மோதல்கள் உரு­வா­கின. அதனால் தான், 2015 ஜனா­தி­பதி தேர்­தலில் மஹிந்த ராஜபக் ஷவை தோற்­க­டிக்க இந்­தியா தனது புல­னாய்வு அமைப்பின் ஊடாக வேலை செய்­தது என்ற குற்­றச்­சாட்டும் முன்­வைக்­கப்­பட்­டது.

அதற்குப் பின்னர், சீனாவின் நீர்­மூழ்கிக் கப்­பல்கள் இலங்­கைக்கு வர­வில்லை. நல்­லாட்சி அரசின் காலத்தில், சீன நீர்­மூழ்கி கொழும்பு துறை­மு­கத்­துக்கு வர அனு­மதி கோரிய போதும், ரணில் விக்­கி­ர­ம­சிங்க அதனை நிரா­க­ரித்து விட்டார்.

ஆனால், கடந்த ஓகஸ்ட் மாதம், சீனாவின் செய்­மதி மற்றும் ஏவு­கணை வழித்­தட கண்­கா­ணிப்புக் கப்­ப­லான யுவான் வாங்-5 இந்­தி­யாவின் எதிர்ப்­பையும் பொருட்­ப­டுத்­தாமல் அம்­பாந்­தோட்டை துறை­மு­கத்தில் தரித்துச் சென்­றது. அதற்குப் பின்னர், அம்­பாந்­தோட்டை துறை­மு­கத்தில் கடந்த ஒரு வரு­ட­மாக எந்­த­வொரு வெளி­நாட்டுப் போர்க்­கப்­ப­லுக்கும் அர­சாங்கம் அனு­மதி அளிக்­க­வில்லை.

செய்­மதி மற்றும் ஏவு­கணை வழித்­தட கண்­கா­ணிப்புக் கப்­ப­லான யுவான் வாங் 6  அம்­பாந்­தோட்­டைக்கு வருகை தரு­வ­தற்கு அனு­மதி கோரிய போதும், அது அர­சாங்­கத்­தினால் நிரா­க­ரிக்­கப்­பட்­டது.

தற்­போது சீனாவின் விசேட ஆய்வுக் கப்பல் கடந்த வாரம் கொழும்பு வந்து சென்ற நிலையில், மற்­றொரு ஆய்வுக் கப்பல் ஒக்­டோ­பரில் கொழும்பு வர­வுள்­ளது.

இதற்கு இந்­தி­யா­விடம் இருந்து எதிர்ப்புக் கிளம்­பி­யி­ருப்­பது ஆச்­ச­ரியம் இல்லை.

ஏனென்றால், இந்­தியப் பெருங்­க­டலில் சீனாவின் 25இற்கும் அதி­க­மான ஆய்வு மற்றும் கண்­கா­ணிப்புக் கப்­பல்கள் தொடர்ச்­சி­யாக நட­மாடிக் கொண்­டி­ருக்­கின்­றன.

இவ்­வா­றான கப்­பல்­களால், தங்­களின் பாது­காப்பு திட்­டங்­க­ளுக்கு ஆபத்து ஏற்­படும் என்று இந்­தியா மாத்­தி­ர­மல்ல, அமெ­ரிக்கா, ஜப்பான், அவுஸ்­ரே­லியா போன்ற நாடு­களும் அச்சம் கொண்­டி­ருக்­கி்ன்­றன.

கடந்த ஆண்டு யுவான் வாங் 5 கப்பல், அம்­பாந்­தோட்டை துறை­மு­கத்­துக்கு வந்த போது, ரணில் விக்­கி­ர­ம­சிங்க அர­சாங்கம், பத­விக்கு வந்து ஒரு மாதமே ஆகி­யி­ருந்­தது.

அதற்கு முன்­பி­ருந்த கோட்­டா­பய ராஜபக் ஷ அ­ர­சாங்கம் அளித்த அனு­ம­தியின் அடிப்­ப­டையில் தான், சீன கப்­பலை அம்­பாந்­தோட்­டையில் அனு­ம­தித்­த­தா­கவும், அதனை நிரா­க­ரித்தால் சீனா நெருக்­கடி கொடுக்கும் என்று கூறி ரணில் அர­சாங்கம் சமா­ளித்­தி­ருந்­தது.

அதே ரணில் விக்­கி­ர­ம­சிங்க புது­டெல்­லிக்குப் போய், இந்­தி­யாவின் கரி­ச­னை­களை உணர்வு பூர்­வ­மாக அணு­கு­வ­தாக வாக்­கு­றுதி கொடுத்து விட்டு, சீன ஆய்வுக் கப்­பல்­க­ளுக்கு அனு­ம­தியை கொடுத்­தி­ருக்­கிறார்.

கேந்­திர முக்­கி­யத்­துவம் வாய்ந்த இடத்தில் அமைந்­தி­ருப்­பதால் சர்­வ­தேச கப்பல் பாதையின் ஊடாக பய­ணிக்கும் கப்­பல்கள் இலங்கைத் துறை­மு­கங்­களை நாடு­வது இயல்பு.

2020ஆம் ஆண்டு தொடக்கம், 2023 ஓகஸ்ட் வரை­யான காலப்­ப­கு­தியில், 160 வெளி­நாட்டுப் போர்க்­கப்­பல்­களும், 5 ஆய்வுக் கப்­பல்­களும் இலங்கைத் துறை­மு­கங்­க­ளுக்கு வந்­தி­ருக்­கின்­றன.

கொழும்பு துறை­மு­கத்­துக்கு 107 கப்­பல்­களும், திரு­கோ­ண­மலை துறை­மு­கத்­துக்கு 35 கப்­பல்­களும், வந்­தி­ருக்­கின்ற நிலையில், அம்­பாந்­தோட்டை துறை­மு­கத்­துக்கு குறித்த காலப்­ப­கு­தியில் 10 வெளி­நாட்டுப் போர்க்­கப்­பல்கள் தான் வந்­தி­ருக்­கின்­றன.

இந்தக் கால­கட்­டத்தில் இலங்­கைக்கு வந்த பெரும்­பா­லான போர்க்­கப்­பல்கள் இந்­தியா மற்றும் ஜப்­பா­னிய கடற்­ப­டைக்கு சொந்­த­மா­னவை.

ஆனால், இவற்றின் வரு­கையின் போதோ, அமெ­ரிக்க, பிரெஞ்சு போர்க்­கப்­பல்­களின் வரு­கையின் போதோ சர்ச்­சைகள் உரு­வா­கு­வ­தில்லை.

கடந்த ஜூன் மாதம் இந்­தியக் கடற்­ப­டையின் விகார் என்ற நீர்­மூழ்கி கப்பல் கொழும்பில் தரித்துச் சென்­றது. ஜப்­பா­னிய கடற்­ப­டையின் நாச­காரி ஒன்று, கொழும்பு துறை­மு­கத்தில் திருத்தப் பணி­க­ளையும் மேற்­கொண்­டது.

ஆனால், சீன கடற்­ப­டையின் நீர்­மூழ்­கிகள், ஆய்வுக் கப்­பல்­களை இந்­தியா நெருங்க விடாமல் தடுக்கப் பார்க்­கி­றது.

இந்தச் சிக்­கலில் இருந்து தப்­பிக்க- போர்க்­கப்­பல்கள், விமா­னங்­களின் வரு­கை­யினால் ஏற்­படக் கூடிய இரா­ஜ­தந்­திர நெருக்­க­டி­களை தவிர்ப்­ப­தற்­காக, ஒரு நிலை­யான நடை­முறை கோவையை உரு­வாக்­கி­யி­ருக்­கி­றது அர­சாங்கம்.

இந்த நடை­முறைக் கோவைக்கு, அமைச்­ச­ரவை ஒப்­புதல் அளித்து ஒரு மாத­மா­கியும், அது இன்­னமும் அர­சாங்­கத்­தினால் செயற்­பாட்­டுக்கு கொண்டு வரப்­ப­ட­வில்லை.

எவ்வாறாயினும், வரும் செப்டெம்பர் மாதம் அந்த நடைமுறையை அமுலுக்கு கொண்டு வர அரசாங்கம் முயற்சிக்கிறது. இல்லையென்றால், சீனக் கப்பலின் வருகையால் இந்தியாவுடனான உறவுகளில் குழப்பம் ஏற்படும் என்பது அரசாங்கத்துக்கு தெரியும்.

ஆனால், இலங்கை அரசாங்கத்தின் அந்த நிலையான நடைமுறை கோவையை இந்தியா உள்ளிட்ட நாடுகள் ஏற்றுக் கொள்ள வேண்டும்.

அது பாரபட்சமானதென அந்த நாடுகள் கருதினால் இந்த நடைமுறைக் கோவையினால் எந்த பயனும் கிடைக்காது.

இவ்வாறான நிலையான நடைமுறை விதிகள், எந்த மனநிலையின் அடிப்படையில் தயாரிக்கப்பட்டுள்ளது என்பது அது வெளியிடப்பட்ட பின்னரே தெரியவரும்.

ஏனென்றால் இலங்கையை தனது மிதக்கும் தளமாகவே இந்தியா பார்க்கிறது. அதற்குள் பிற தரப்புகள் ஊடுருவுவதை விரும்பவில்லை.

இதனை மனதில் கொள்ளாமல் உருவாக்கப்பட்டால், அந்த நிலையான நடைமுறை விதிகள் கூட நிலையற்றதாகி விடும்.