தவறவிடாதீர்கள்..!உடனே பதிவு செய்யுங்கள்

இயக்குநர் விக்ரமனின் மகனும், நடிகருமான விஜய் கனிஷ்கா கதையின் நாயகனாக அறிமுகமாகும் 'ஹிட் லிஸ்ட்' எனும் திரைப்படத்தின் டீசர் வெளியிடப்பட்டிருக்கிறது. இதனை 'மக்கள் செல்வன்' விஜய் சேதுபதி வெளியிட்டிருக்கிறார்.

இரட்டை இயக்குநர்கள் சூரியக்கதிர் மற்றும் கே. கார்த்திகேயன் இணைந்து இயக்கியிருக்கும் திரைப்படம் 'ஹிட் லிஸ்ட்'. இதில் விஜய் கனிஷ்கா, கௌதம் வாசுதேவ் மேனன், சமுத்திரக்கனி, முனிஸ்காந்த், சித்தாரா, ஸ்மிருதி வெங்கட், ஐஸ்வர்யா தத்தா, பால சரவணன், ரெடின் கிங்ஸ்லி, அபிநட்சத்திரா, கேஜிஎஃப் புகழ் கருடா ராமச்சந்திரா, அனுபமா குமார் உள்ளிட்ட பலர் நடித்திருக்கிறார்கள். ராம்சரண் ஒளிப்பதிவு செய்திருக்கும் இந்த திரைப்படத்திற்கு சி. சத்யா இசையமைத்திருக்கிறார். எக்சன் என்டர்டெய்னராக தயாராகி இருக்கும் இந்த திரைப்படத்தை ஆர். கே.  செல்லுலாய்ட்ஸ் எனும் பட நிறுவனம் மூலம் இயக்குநரும், நடிகருமான கே. எஸ். ரவிக்குமார் தயாரித்திருக்கிறார்.

இப்படத்தின் படப்பிடிப்பு பணிகள் முழுமையாக நிறைவடைந்து தற்போது இறுதி கட்ட பணிகள் விறுவிறுப்பாக நடைபெற்று வருகிறது. இந்நிலையில் படத்தின் டீசர் வெளியிடப்பட்டிருக்கிறது.

இதனிடையே இயக்குநர் விக்கிரமனின் வாரிசு விஜய் கனிஷ்கா கதாநாயகனாக அறிமுகமாவதாலும், இயக்குநர் கே. எஸ். ரவிக்குமார் தயாரித்திருப்பதாலும், எக்சன் திரைப்படமாக உருவாகி இருப்பதாலும், 'ஹிட் லிஸ்ட்' படத்திற்கு  திரையுலக வணிகர்களிடையே பெரும் எதிர்பார்ப்பு ஏற்பட்டிருக்கிறது என்பது குறிப்பிடத்தக்கது.