தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

மலேசியாவின் தலைநகர் கோலாலம்பூரில் அமைந்துள்ள தேசிய டென்னிஸ் நிலைய அரங்கில் திங்கட்கிழமை (24) ஆரம்பமான பிலி ஜீன் கிங் கிண்ண ஆசிய கடல்சூல் வலய 2ஆம் குழு பி தொகுதியில் இடம்பெறும் இலங்கை தனது முதல் போட்டியில் மலேசியாவிடம் 0 - 3 என்ற ஆட்டங்கள் வித்தியாசத்தில் தோல்வி அடைந்தது.

இரண்டு ஒற்றையர் ஆட்டங்களிலும் ஓர் இரட்டையர் ஆட்டத்திலும் இலங்கை தோல்வி அடைந்தது.

முதலாவது ஒற்றையர் போட்டியில் மலேசிய வீராங்கனை ஸீ ஸுவான் லிம்மிடம்  2 நேர் செட்களில் (2 - 6, 0 - 6) இலங்கையின் விஷ்மி ஓனேத்ரா செரசிங்க தோல்வி அடைந்தார்.

அதனைத் தொடர்ந்து நடைபெற்ற இரண்டாவது ஒற்றையர் போட்டியில் ஷிஹோமி லி ஸுவான் லியொங்கிடம் இலங்கை வீராங்கனை சாஜிடா ராஸிக் 1 - 2 என்ற செட்கள் அடிப்படையில் (4 - 6, 6 - 2, 2 - 6) தொல்வி அடைந்தார்.

இரட்டையர் போட்டியிலும் இலங்கை ஜோடியினருக்கு தொல்வியே கிடைத்தது.

இலங்கையின் ஜனலி மனம்பெரி, விஷ்மி ஒனேத்ரா சேரசிங்க ஜோடியினரை 2 நேர் செட்களில் மலேசியாவின் ஸான் நிங் லிம், ஹனா சீன் ஈன் ஜோடியினர் வெற்றிபெற்றனர்.