தவறவிடாதீர்கள்..!உடனே பதிவு செய்யுங்கள்

சுமார் ஒரு வருட காலமாக  15  வயது பாடசாலை மாணவி ஒருவரை அவ்வப்போது பாரிய பாலியல் துஷ்பிரயோகத்துக்கு  உட்படுத்தியதாக கூறப்படும் மாரவில பொலிஸ் பிரிவுக்கு உட்பட்ட  ஒருவரைக் கைது செய்ய மாரவில தலைமையக பொலிஸார் பல விசாரணைகளை மேற்கொண்டு வருகின்றனர். 

கைது செய்யத் தேடப்படும் சந்தேக நபர் தலைமறைவாக உள்ளதாக உயர் பொலிஸ் அதிகாரி ஒருவர்  கூறியுள்ளார்.

இதேவேளை, சம்பவத்துடன் தொடர்புடைய சந்தேக நபர் நாட்டை விட்டு தப்பிச் செல்ல முயற்சிப்பதாக பொலிஸாருக்கு தகவல் கிடைத்துள்ளதாக தெரிவிக்கப்படுகின்றது.

இதனையடுத்து, இச்சம்பவம் தொடர்பான அறிக்கை மாரவில நீதிவான் நீதிமன்றில் சமர்ப்பிக்கப்பட்டுள்ளதாகவும்  சந்தேக நபர் நாட்டை விட்டு தப்பிச் சென்றால் அவரை கைது செய்யுமாறு உத்தரவும் பெறப்பட்டுள்ளதாகவும்  பொலிஸார் தெரிவித்தனர்.