இலகு ரயில் திட்டம் சாத்தியமா?

Published By: Vishnu

09 Jul, 2023 | 05:35 PM
image

ஹரிகரன்

மீண்டும் கொழும்பு இலகு ரயில் திட்­டத்தை முன்­னெ­டுப்­ப­தற்கு அமைச்­ச­ரவைத் தீர்­மா­னத்தின் ஊடாக, அர­சாங்கம் பச்­சைக்­கொ­டியை காண்­பித்­தி­ருக்­கி­றது.  

அமைச்­ச­ரவைத் தீர்­மானம் வெளி­யா­னதும், ஏதோ இந்த திட்­டத்­துக்கு ஒப்­புதல் கிடைத்து விட்­டது என்று அர்த்­தப்­ப­டுத்திக் கொண்­ட­வர்கள் பலர். உண்மை அது­வல்ல. 

இந்த திட்­டத்தை முன்­னெ­டுப்­ப­தற்கு இனிமேல் தான் ஜப்­பா­னிய அர­சாங்­கத்­துடன் பேச்­சுக்­களை நடத்த வேண்டும். அவர்­களின் ஒப்­பு­தலை பெற்றுக் கொள்ள வேண்டும். உடன்­பாடு ஒன்றை ஏற்­ப­டுத்த வேண்டும்.

அதற்­குள்­ளா­கவே மீண்டும் இலகு ரயில் திட்டம் செயற்­ப­டுத்­தப்­ப­ட­வுள்­ளது என்­பது போல அர­சாங்கம் கதை­விட ஆரம்­பித்­தி­ருக்­கி­றது.

இது ஒன்றும் புதிய திட்டம் அல்ல, திட்­டப்­ப­ணிகள் கூட நிறை­வ­டையும் கட்­டத்தில், முன்னாள் ஜனா­தி­பதி கோட்­டா­பய ராஜ­பக்ஷ குறுக்கே புகுந்து தடுத்து நிறுத்­திய திட்டம் தான் இது.

நல்­லாட்சி அர­சாங்­கத்தின் காலத்தில், 2015 ஆம் ஆண்டு, ஜிகா எனப்­படும், ஜப்பான் சர்­வ­தேச ஒத்­து­ழைப்பு முக­வ­ரகம் இலங்கை அர­சாங்­கத்­துடன் இணைந்து, 1.5 பில்­லியன் டொலர் செலவில் மாலபே தொடக்கம், கோட்டை வரை இந்த இலகு ரயில் திட்­டத்தை செயற்­ப­டுத்த இணக்கம் காணப்­பட்­டது. 15.7 கிலோ மீற்றர் வரை­யான குறித்த தூரத்­துக்­கி­டையில் 16 ரயில் நிலை­யங்­களை அமைத்து, 30 நிமி­டங்­க­ளுக்கு ஒரு­முறை ரயில் சேவையை முன்­னெ­டுக்­கவும், நெரிசல் மிக்க நேரங்­களில் 10 நிமி­டங்­க­ளுக்கு ஒரு­முறை ரயில் சேவையை முன்­னெ­டுக்­கவும் திட்­ட­மி­டப்­பட்­டது.

இந்த திட்­டத்தை செயற்­ப­டுத்­து­வதன் மூலம், இலங்­கைக்கு 1.5 பில்­லியன் முத­லீடு கிடைப்­ப­துடன், கொழும்பு நகர போக்­கு­வ­ரத்துச் சிக்­கலும் தீர்க்­கப்­படும்.

நல்­லாட்சி அர­சாங்­கத்தின் காலத்தில் 1.5 பில்­லியன் டொலர் செலவில் இலகு ரயில் திட்­டத்தை முன்­னெ­டுப்­ப­தற்கும், கொழும்பு துறை­மு­கத்தின் கிழக்கு கொள்­கலன் முனை­யத்தை இந்­தி­யா­வுடன் இணைந்து, 500 மில்­லியன் டொலர் செலவில் அபி­வி­ருத்தி செய்­வ­தற்கும், ஜப்பான் முன்­வந்­தி­ருந்­தது.

இதற்­கான திட்ட ஆலோ­சனைப் பணிகள் நடந்து கொண்­டி­ருந்த நிலையில் தான், குறித்த இரண்டு திட்­டங்­களும் கைவி­டப்­ப­டு­வ­தாக அறி­விக்­கப்­பட்­டது.

2020 செப்­டெம்­பரில், அப்­போ­தைய ஜனா­தி­ப­தியின் செய­லா­ள­ரான பிபி.ஜய­சுந்­தர, "நகர அபி­வி­ருத்தி மற்றும் வீட­மைப்பு அமைச்சு மற்றும் நிதி அமைச்சின் தேசிய திட்­ட­மிடல் திணைக்­களம் ஆகி­ய­வற்­றுடன் கலந்­து­ரை­யாடி பொருத்­த­மான போக்­கு­வ­ரத்து தீர்வை உரு­வாக்க முடியும் என்றும், இதனால் இலகு ரயில் திட்ட அலு­வ­ல­கத்தை உட­ன­டி­யாக மூடு­மாறு ஜனா­தி­பதி உத்­த­ர­விட்­டுள்ளார் என்றும் ஜப்­பா­னுக்கு கடிதம் அனுப்­பினார்.

இலகு ரயில் திட்­டத்தில் 1.5 பில்­லியன் டொலரை முத­லீடு செய்யத் தயா­ராக இருந்­தது ஜப்பான். அதற்கு மிக குறைந்­த­ளவு வட்­டி­யையே அற­விடும் வகையில் உடன்­பாடு செய்து கொள்­ளப்­பட்­டது.

ஆனால், இந்தக் கட­னுக்கு அதிக வட்­டியை ஜப்பான் வசூ­லிப்­ப­தா­கவும், அப்­போது அர­சாங்­கத்­தினால் குற்­றம்­சாட்­டப்­பட்­டது.

அர­சாங்­கத்தின் இந்த நட­வ­டிக்கை இலங்­கைக்கும், ஜப்­பா­னுக்கும் இடை­யி­லான உற­வு­களில் பெரும் விரி­சலை ஏற்­ப­டுத்­தி­யது.

சீனாவின் தூண்­டு­தலின் பேரில் அல்­லது சீனாவைத் திருப்­திப்­ப­டுத்தும் நோக்கில் தான், ஜப்­பானின் இலகு ரயில் திட்டம், இந்­தி­யா­விடம் இருந்து கிழக்கு கொள்­கலன் முனையத் திட்டம் என்­பன பறிக்­கப்­பட்­டன.

இந்த விவ­கா­ரங்­களில், பூகோள அர­சி­யலின் தாக்கம் அதிகம் காணப்­பட்­டது.

ஜப்­பானின் இந்த திட்­டத்தை கோட்டா அர­சாங்கம் முறித்துக் கொண்­டதன் மூலம், இலங்கை பெரிய இழப்­புக்­களைச் சந்­தித்­தது.

கொழும்பு போக்­கு­வ­ரத்து நெரி­ச­லுக்குத் தீர்வும் கிடைக்­க­வில்லை. 1.5 பில்­லியன் டொலர் முத­லீடும் வர­வில்லை. வேறு பொருத்­த­மான திட்­டத்தை முன்­வைக்க அல்­லது செயற்­ப­டுத்­தவும் முடி­ய­வில்லை.

ஜப்­பா­னு­ட­னான உறவை முறித்துக் கொண்­டதால், அந்த நாட்டு அர­சாங்கம் இனிமேல் இலங்­கையில் பாரிய முத­லீ­டு­களைச் செய்­வ­தில்லை என்று உறு­தி­யான நிலைப்­பாட்டை எடுத்­தது.

பொரு­ளா­தார நெருக்­க­டியின் போது கூட இலங்­கைக்கு ஜப்பான் பெரி­ய­ளவில் நிதி­யு­த­வி­களை வழங்க முன்­வ­ர­வில்லை.

கோட்­டா­பய ராஜ­பக் ஷ அர­சாங்­கத்தின் செயற்­பாடு அந்­த­ள­வுக்கு ஜப்­பானைக் காயப்­ப­டுத்­தி­யி­ருந்­தது.

ஆட்சி மாற்­றத்தை அடுத்து, ஜனா­தி­ப­தி­யாகப் பத­வி­யேற்ற ரணில் விக்­கி­ர­ம­சிங்க ஜப்­பா­னுடன் மீண்டும் உற­வு­களை வலுப்­ப­டுத்த முயன்றார்.

அவர் கடந்த ஆண்டு செப்­ரெம்­பரில், படு­கொலை செய்­யப்­பட்ட முன்னாள் ஜப்­பா­னியப் பிர­தமர் ஷின்சோ அபேயின் இறுதிச் சடங்கில் பங்­கேற்­ப­தற்­காக ஜப்பான் சென்­றி­ருந்தார். அதற்குப் பின்னர் கடந்த மாதமும், அவர் ஜப்­பா­னுக்குப் பயணம் மேற்­கொண்டார். 

அவ­ரது இந்தப் பய­ணங்கள், ஜப்­பா­னுடன் மீண்டும் உற­வு­களை பதுப்­பித்துக் கொள்­வது மற்றும், ஜப்­பா­னிய முத­லீ­டு­களை ஈர்ப்­ப­தற்குத் தான்.

ஆனால், ஜப்­பானோ இலங்­கையில் இப்­போ­தைக்கு முத­லீ­டுகள் எதையும் செய்­வதும் இல்லை, உத­வி­களை வழங்­கு­வதும் இல்லை என்ற உறு­தி­யான நிலைப்­பாட்டில் இருந்­தது.

இவ்­வா­றான நிலையில் தான் கடந்த மாதம் ஜப்­பா­னியப் பய­ணத்தின் போது, இலகு ரயில் திட்டம் நிறுத்­தப்­பட்­ட­தற்­காக ஜனா­தி­பதி ரணில் விக்­கி­ர­ம­சிங்க வருத்தம் தெரி­வித்து மன்­னிப்புக் கோரி­யி­ருந்தார்.

இது இலகு ரயில் திட்­டத்தை மீள ஆரம்­பிப்­ப­தற்­கான முன்­மு­யற்­சி­யா­கவே பார்க்­கப்­பட்­டது.

ஆனால், அப்­போது, இலகு ரயில் திட்­டத்தை மேற்­கொள்­ளு­மாறு ஜப்­பா­னுக்கு அழைப்பு விடு­வ­தற்கு அர­சாங்கம் இன்­னமும் தீர்­மா­னிக்­க­வில்லை என்று அமைச்­சர்கள் பலரும் கூறி­யி­ருந்­தனர்.

இவ்­வா­றான நிலையில் தான் இந்த வாரம் அமைச்­ச­ர­வையில், இந்த திட்­டத்தை முன்­னெ­டுக்க ஜப்­பா­னுடன் சரி­யான தரு­ணத்தில் பேச்­சுக்­களை முன்­னெ­டுக்க அனு­மதி அளிக்­கப்­பட்­டி­ருக்­கி­றது.

இந்தப் பேச்­சுக்கள் எப்­போது நடக்கும் என்று தெரி­ய­வில்லை. கொழும்­பி­லுள்ள ஜப்­பா­னிய தூத­ர­கத்தின் ஊடாகத் தான் இதற்­கான முயற்­சிகள் மேற்­கொள்­ளப்­ப­ட­வுள்­ளன.

ஆயினும், ஜப்­பானின் பிடி உட­ன­டி­யாகத் தள­ரு­வ­தற்­கான அறி­கு­றிகள் இன்­னமும் வெளிப்­ப­ட­வில்லை.

ஜப்­பானைப் பொறுத்­த­வ­ரையில், ஆட்சி மாற்­றங்­க­ளினால் பாரிய பொரு­ளா­தார அபி­வி­ருத்தி திட்­டங்கள், மற்றும் முத­லீ­டுகள் மாற்­ற­ம­டையக் கூடாது என்­பதில் உறு­தி­யாக இருக்­கி­றது.

நல்­லாட்சி அர­சாங்­கத்தின் காலத்தில் செய்து கொள்­ளப்­பட்ட இலகு ரயில் திட்டம் மற்றும் கிழக்கு கொள்­கலன் முனையத் திட்டம் போன்­ற­வற்றை கோட்டா அர­சாங்கம் நிறுத்­தி­யது போன்ற சம்­ப­வங்கள் மீண்டும் நடக்க கூடாது என்­பதே ஜப்­பானின் எதிர்­பார்ப்பு. இதே நிலை­மையை இந்­தி­யாவும் எதிர்­கொண்­டது.

இந்­தி­யாவின் கிழக்கு கொள்­கலன் முனையத் திட்டம் உள்­ளிட்ட இந்­தி­யாவின் பல திட்­டங்­களை கோட்டா தடுத்து நிறுத்­தி­யி­ருந்தார்.

ஆனால், பின்னர் அவரே தனது பிடி­வா­தத்தை தளர்த்திக் கொண்டு, மேற்கு கொள்­கலன் முனையத் திட்­டத்தை இந்­தி­யா­வுக்கு வழங்க வேண்­டிய நிலை ஏற்­பட்­டது.

மஹிந்த ராஜ­பக் ஷ காலத்தில், கொழும்பு துறை­முக நகரத் திட்டம் தொடங்­கப்­பட்ட நிலையில், 2015இல் ஆட்­சிக்கு வந்­த­வுடன், மைத்­தி­ரி­பால சிறி­சேன அர­சாங்கம் அந்த திட்­டத்தை இடை­நி­றுத்­தி­யது.

மைத்­திரி அர­சாங்­கத்­துக்கு சீனா கொடுத்த நெருக்­க­டிகள், அழுத்­தங்­களை அடுத்து, ஆறு மாதங்­க­ளுக்குப் பின்னர், கொழும்பு துறை­முக நகரத் திட்­டத்­துக்கு மீண்டும் அனு­மதி வழங்­கப்­பட்­டது.

அது­போலத் தான் இப்­போது, இலகு ரயில் திட்­டத்­துக்கு அனு­மதி வழங்­கப்­பட வேண்­டிய நிலை, இலங்கை அர­சாங்­கத்­துக்கும் வந்­தி­ருக்­கி­றது.

எனினும், இந்­தி­யாவும் சீனாவும் உட­ன­டி­யாக மீளவும் தங்­களின் திட்­டங்­களை ஆரம்­பித்­தது போல, ஜப்பான் செயற்­படத் தயா­ராக இல்லை.

இலங்­கை­யிடம் இருந்து ஜப்பான் உத்­த­ர­வா­தத்தை எதிர்­பார்க்­கி­றது.

அது எழுத்­து­மூ­ல­மான உத்­த­ர­வாதம் மாத்­தி­ர­மல்ல, அரசியலமைப்பு ரீதியான உத்தரவாதமாகவும் இருக்க வேண்டும் என்பது தான் ஜப்பானின் நிலைப்பாடு.

பாரிய முதலீட்டு மற்றும் பொருளாதார திட்டங்கள் ஆட்சி மாற்றங்களால் பாதிக்கப்படக் கூடாது என்றும், அவ்வாறான நிலை ஏற்பட்டால், இரண்டு நாடுகளின் அரசாங்கங்களின் ஒப்புதல் பெறப்பட வேண்டும் என்றும், சட்டம் கொண்டு வர வேண்டும் என்றும் ஜப்பான் அழுத்தம் கொடுக்கிறது.

இந்த விடயத்தை உள்ளீர்த்தால் மட்டுமே, இலகு ரயில் திட்டம் குறித்து பேசத் தயார் என ஜப்பான் கூறுகிறது.

ஜப்பானுடன், ரணில் விக்கிரமசிங்க இணக்கத்தை ஏற்படுத்திக் கொள்ள வேண்டுமாயின், அரசாங்கம் விட்டுக்கொடுப்புக்கும் தயாராக வேண்டும், ஜப்பானின் நிபந்தனைகளுக்கும் இணங்க வேண்டும். இல்லையேல் இலகு ரயில் திட்டம், மீண்டும் கனவுத் திட்டமாகவே கலைந்து போகும்.

முக்கிய செய்திகள்

icon-left
icon-right

தொடர்பான செய்திகள்

news-image

விடியும் வேளையில் வரப்போகும் திருப்பங்கள்

2024-02-28 18:49:12
news-image

வடக்கு, கிழக்கில் சுதந்திரமான ஆலய வழிபாட்டுக்கும் ...

2024-02-28 18:04:16
news-image

பத்தாயிரம் வீட்டுத்திட்டமும் பத்து பேர்ச் காணி...

2024-02-28 13:52:19
news-image

பூமியின் நுரையீரலில் மிக பெரிய அனகொண்டா

2024-02-28 11:03:34
news-image

அடையக்கூடிய எல்லைக்கு நல்லிணக்கத்தைக் கொண்டுவருதல்

2024-02-27 14:27:33
news-image

இலங்கையில் பெண் கைதிகள் சடுதியாக அதிகரிப்பு…!

2024-02-27 13:50:28
news-image

இனி என்னை அப்பா என்று யார்...

2024-02-27 12:10:48
news-image

வாழைச்சேனை கடதாசி தொழிற்சாலை மோசடிகளால் அழிகிறதா?

2024-02-27 16:00:41
news-image

ரஃபா எல்லைக் கடவையும் எகிப்து மற்றும்...

2024-02-26 16:15:11
news-image

அதிகாரத்துக்காக மக்கள் ஆணையைப் பறித்தல்

2024-02-26 15:48:00
news-image

ஆடி அடங்கிய பின் பிறக்கின்ற ஞானம் 

2024-02-26 15:36:27
news-image

விலகும் புதைகுழி மர்மம்

2024-02-26 15:15:32