தவறவிடாதீர்கள்..!உடனே பதிவு செய்யுங்கள்

வீதியை கடக்க காத்திருந்த சிறுவனை மோதி உயிரிழப்பை ஏற்படுத்திய சாரதியை எதிர்வரும் 19ஆம் திகதி வரை விளக்கமறியலில் வைக்குமாறு கிளிநொச்சி மாவட்ட நீதிவான் நீதிமன்றம் உத்தரவிட்டுள்ளது. 

கிளிநொச்சி, பளை பகுதியில் வீதியை கடக்க காத்திருந்த சிறுவனை மோதித் தள்ளிய சாரதியை எதிர்வரும் 19ஆம்  திகதி வரை விளக்கமறியலில் வைக்குமாறு கிளிநொச்சி மாவட்ட நீதிவான்  நீதிமன்றம் உத்தரவிட்டுள்ளது .  

கிளிநொச்சி பளை  முல்லையடி பகுதியில் புதன்கிழமை (05) பகல் துவிச்சக்கர வண்டியில்  வீதியை கடப்பதற்காக காத்திருந்த சிறுவனை வேகமாக வந்த கப்ரக  வாகனம்  மோதி தள்ளியது. 

குறித்த சம்பவத்தின் போது வீதியில் காத்திருந்த சிறுவன் சம்பவ இடத்திலே உயிரிழந்துள்ளார் . 

விபத்தை ஏற்படுத்திய சாரதி விபத்து நடந்த  இடத்திலிருந்து தப்பிச்சென்ற நிலையில் வியாழக்கிழமை (06) பளைப்  பொலிசாரால்  கைதுசெய்யப்பட்டு ஆரம்பகட்ட விசாரணைகள் முன்னெடுக்கப்பட்டன . 

இன்றைய தினம் சம்பவத்துடன் தொடர்புபட்ட சாரதியை கிளிநொச்சி மாவட்ட நீதவான் நீதிமன்ற நீதிபதி சுபராஜினி முன்னிலையில் ஆஜர்படுத்தியதையடுத்து, குறித்த சந்தேக நபரை எதிர்வரும் 19ஆம்  திகதி வரை விளக்கமறியலில்  வைக்குமாறு உத்தரவிடப்பட்டுள்ளது.