தவறவிடாதீர்கள்..!உடனே பதிவு செய்யுங்கள்

முன்னாள் ஜனாதிபதி கோட்டாபய ராஜபக்ஷ பாதுகாப்பு செயலாளராக இருந்தபோது இறுதி யுத்தம் இடம்பெற்ற வேளை நடந்த சம்பவங்கள் தொடர்பில் போர்க்குற்றச்சாட்டு அவர் மீதும் சுமத்தப்பட்டது. வெள்ளைக் கொடி விவகாரம் அதில் பிரதானமானது. இறுதி யுத்த நேரத்தில் அவரின் உத்தரவின் பிரகாரமே பொதுமக்கள் மீதான தாக்குதல் சம்பவங்கள் மற்றும் புலிகள் இயக்க உறுப்பினர்களின் படுகொலைகள் இடம்பெற்றதாக உள்ளூரிலும் சர்வதேசத்திலும் குற்றங்கள் சுமத்தப்பட்டன. அதேவேளை வலிந்து காணாமல் ஆக்கப்பட்டவர்களின் விவகாரம் தொடர்கதையாகிக்கொண்டிருக்கும் நேரத்தில், மனித புதைகுழி விவகாரம் மீண்டும் சூடு பிடித்துள்ளது. மத்திய மாகாணத்தின் மாத்தளை மனித புதைகுழி விவகாரத்தில், மத்திய மாகாணத்தின் அனைத்து பொலிஸ் நிலையங்களிலும் உள்ள ஐந்து வருடங்களுக்கு முந்திய சகல கோப்புகளையும் பதிவுகளையும் அழித்துவிடுமாறு அப்போதைய பாதுகாப்புச் செயலாளர் கோட்டாபய ராஜபக்ஷ உத்தரவிட்டமை தொடர்பில் அதிர்ச்சியூட்டும் தகவல்களைக் கொண்ட அறிக்கை வெளியாகியுள்ளது. இந்த அறிக்கையின் மூலம் இலங்கையில் இடம்பெற்றதாக கூறப்படும் போர்க்குற்றங்கள் மற்றும் காணாமல் போனோர் தொடர்பில் சர்வதேசம் மீண்டும் குரல் எழுப்ப ஆரம்பித்துள்ளது.