தவறவிடாதீர்கள்..!உடனே பதிவு செய்யுங்கள்

இயக்குநர் லோகேஷ் கனகராஜ் இயக்கத்தில் வெளியாகி வெற்றி பெற்ற 'விக்ரம்' படத்தின் மூலம் தமிழ் ரசிகர்களிடம் பிரபலமான மலையாள நடிகர் பகத் பாசில் கதையின் நாயகனாக நடித்திருக்கும் 'தூமம்' எனும் படத்தின் முன்னோட்டம் வெளியிடப்பட்டிருக்கிறது.

கன்னடத்தின் முன்னணி இயக்குநரான பவன் குமார் இயக்கத்தில் தயாராகி இருக்கும் புதிய திரைப்படம் 'தூமம்'. இதில் பகத் பாசில், அபர்ணா பாலமுரளி, ரோஷன் மாத்யூ, வினித் ராதாகிருஷ்ணன், அனுமோகன், அச்சுத் குமார் உள்ளிட்ட பலர் நடித்திருக்கிறார்கள். 

ப்ரீத்தா ஜெயராமன் ஒளிப்பதிவு செய்திருக்கும் இந்த திரைப்படத்திற்கு பூர்ணசந்திர தேஜஸ்வி எஸ்வி இசையமைத்திருக்கிறார். திரில்லர் ஜேனரில் தயாராகி இருக்கும் இந்த திரைப்படத்தை 'கே ஜி எஃப்', 'காந்தாரா' போன்ற வெற்றி படங்களை தயாரித்த ஹோம்பாலே ஃபிலிம்ஸ் எனும் பட நிறுவனம் சார்பில் தயாரிப்பாளர் விஜய் கிரகந்தூர் தயாரித்திருக்கிறார்.

இப்படத்தின் ஃபர்ஸ்ட் லுக் வெளியாகி பெரும் வரவேற்பை பெற்ற நிலையில், தற்போது இதன் முன்னோட்டம் வெளியிடப்பட்டிருக்கிறது. அத்துடன் இப்படம் இம்மாதம் 23ஆம் திகதியன்று உலகம் முழுவதும் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகிறது என அறிவிக்கப்பட்டிருக்கிறது. இந்த இப்படத்தின் முன்னோட்டத்தில் 'தூமம்' என்பது புகையை குறிக்கிறது என்பது குறிப்பிடப்பட்டிருக்கிறது. மேலும் முன்னோட்டத்தில் இடம்பெற்றிருக்கும் காட்சிகள்.. பார்வையாளர்களிடத்தில் பெரும் தாக்கத்தை ஏற்படுத்தி, எதிர்பார்ப்பை எகிற வைத்திருக்கிறது.