தவறவிடாதீர்கள்..!உடனே பதிவு செய்யுங்கள்

தமிழ் ரசிகர்களிடம் 'டான்சிங் ரோஸ்' என பெயர் பெற்றிருக்கும் மலையாள நடிகர் ஷபீர் கள்ளறக்கள் கதையின் நாயகனாக நடித்திருக்கும் புதிய படத்திற்கு 'பர்த்மார்க்' என பெயரிடப்பட்டு, அதன் டைட்டில் லுக் வெளியிடப்பட்டிருக்கிறது.

இயக்குநர் விக்ரம் ஸ்ரீதரன் இயக்கத்தில் தயாராகி இருக்கும் திரைப்படம் 'பர்த்மார்க்'. இதில் நடிகர் ஷபீர் கள்ளறக்கள் கதையின் நாயகனாக நடிக்க, அவருக்கு ஜோடியாக நடிகை மிர்ணா நடித்திருக்கிறார். உதய் தங்கவேல் ஒளிப்பதிவு செய்திருக்கும் இந்த திரைப்படத்திற்கு விஷால் சந்திரசேகர் இசையமைத்திருக்கிறார். திரில்லர் ஜேனரில் தயாராகி இருக்கும் இந்த திரைப்படத்தை சேப்பியன்ஸ் என்டர்டெய்ன்மென்ட் எனும் பட நிறுவனம் சார்பில் தயாரிப்பாளர்கள் விக்ரம் ஸ்ரீதரன் மற்றும் ஸ்ரீராம் சிவராமன் இணைந்து தயாரித்திருக்கிறார்கள்.

படத்தைப் பற்றி இயக்குநர் பேசுகையில், “ஒரு பெண்ணின் வயிற்றிலிருந்து இயற்கையான முறையில் குழந்தையின் பிரசவம் நடைபெறுவதை நாயகன் உறுதிப்படுத்த விரும்புகிறார். இதற்காக நாயகியை இயற்கையான சூழலில் தங்க வைத்து பிரசவத்தை நடத்த திட்டமிடுகிறார். அவரது எண்ணம் ஈடேறியதா? இல்லையா? என்பதே இப்படத்தின் கதை” என்றார்.

இதனிடையே இந்த திரைப்படத்தில் கருத்தரித்திருக்கும் பெண்ணாக நடிகை மிர்ணா அழுத்தமான வேடத்திலும், நாயகன் ஷபீர் ராணுவத்தில் பணியாற்றும் உயரதிகாரி வேடத்திலும் நடித்திருக்கிறார்கள் என்பது குறிப்பிடத்தக்கது.