தவறவிடாதீர்கள்..!உடனே பதிவு செய்யுங்கள்

புதுமுக நடிகர் ரஜித் முதன்மையான வேடத்தில் நடித்திருக்கும் 'ஆரா' எனும் திரைப்படம், பான் இந்திய திரைப்படமாக தயாராகிறது. மேலும் இப்படத்தின் டைட்டில் லுக்கும் வெளியிடப்பட்டிருக்கிறது.

இயக்குநர் எஸ். ஸ்ரீராம் இயக்கத்தில் தயாராகும் திரைப்படம் 'ஆரா'. இதில் ரஜித், நடிகை மனோசித்ரா, நடிகர் ஸ்ரீ தேவ், நடிகை வசுதா கிருஷ்ணமூர்த்தி, நடிகர்கள் கோகுல், பூவிலங்கு மோகன் உள்ளிட்ட பலர் நடிக்கிறார்கள். டி. ரமேஷ் ஒளிப்பதிவு செய்யும் இந்த திரைப்படத்திற்கு அருள் தேவ் இசையமைக்கிறார். மிஸ்டரி திரில்லர் ஜேனரில் தயாராகும் இந்த திரைப்படத்தை தங்கம் சினிமாஸ் எனும் பட நிறுவனம் சார்பில் தயாரிப்பாளர் எஸ். தங்கராஜ் தயாரிக்கிறார்.

இப்படத்தின் டைட்டில் லுக்கில், நட்சத்திரங்களின் தோற்றங்கள் எதுவும் இல்லாமல், 'ஆரா' எனும் தலைப்பும், அதனைத் தொடர்ந்து 'தி பிகினிங்' என்ற டேக் லைனும் இணைத்து வடிவமைக்கப்பட்டிருப்பதால், இப்படம் மிஸ்டரி திரில்லர் ஜேனரில் தயாராகிறது என்பதும், விரைவில் இப்படத்தின் ஃபர்ஸ்ட் லுக் வெளியாகும் என்றும் எதிர்பார்க்கப்படுகிறது.