தவறவிடாதீர்கள்..!உடனே பதிவு செய்யுங்கள்

நடிகர் ஹரிஷ் கல்யாண் கதையின் நாயகனாக நடித்திருக்கும் 'எல் ஜி எம்' படத்தின் டீசர் வெளியிடப்பட்டிருக்கிறது.

இதனை இந்தியாவின் முன்னணி துடுப்பாட்ட வீரரான எம். எஸ். தோனி அவருடைய முகநூல் பக்கத்தில் வெளியிட்டு சிறப்பித்திருக்கிறார்.

இசையமைப்பாளரான ரமேஷ் தமிழ்மணி இயக்கத்தில் தயாராகி இருக்கும் முதல் திரைப்படம் 'எல் ஜி எம்' (லெட்ஸ் கெட் மேரீட்) .

இதில் ஹரிஷ் கல்யாண், இவானா, நதியா, யோகி பாபு, மிர்ச்சி விஜய் உள்ளிட்ட பலர் நடித்திருக்கிறார்கள். விஸ்வஜித் ஒளிப்பதிவு செய்திருக்கும் இந்த திரைப்படத்திற்கு ரமேஷ் தமிழ்மணி இசையமைத்திருக்கிறார்.

நகைச்சுவை கலந்த குடும்ப பொழுதுபோக்கு சித்திரமாக தயாராகி இருக்கும் இந்த திரைப்படத்தை தோனி என்டர்டெய்ன்மெண்ட் எனும் பட நிறுவனம் சார்பில் தயாரிப்பாளர் விகாஸ் ஹசிஜா தயாரித்திருக்கிறார். இந்த திரைப்படத்தை சாக்ஷி தோனியின் தோனி என்டர்டெய்ன்மென்ட் நிறுவனம் வழங்குகிறது.

இப்படத்தின் படப்பிடிப்பு நிறைவடைந்து, இறுதி கட்டப் பணிகள் விறுவிறுப்பாக நடைபெற்று வருகிறது. ஏற்கனவே இப்படத்தின் ஃபர்ஸ்ட் லுக், செகண்ட் லுக் போஸ்டர் வெளியாகி பெரும் வரவேற்பை பெற்றிருக்கிறது.

இந்நிலையில் இப்படத்தின் டீசர் வெளியிடப்பட்டிருக்கிறது. டீசரில், காதலும்.. குறும்பும்.. இளமையும்... குடும்பப் பின்னணியும் நேர்த்தியாக விவரிக்கப்பட்டிருப்பதால், பார்வையாளர்களிடத்தில் பெரும் எதிர்பார்ப்பை ஏற்படுத்தியிருக்கிறது.