தவறவிடாதீர்கள்..!உடனே பதிவு செய்யுங்கள்

'பொன்னியின் செல்வன்' வெற்றிக்குப் பிறகு நடிகர் ஜெயம் ரவி நடிப்பில் தயாராகி இருக்கும் 'இறைவன்' எனும் திரைப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

முன்னணி இயக்குநர் ஐ. அஹமத் இயக்கத்தில் தயாராகி இருக்கும் புதிய திரைப்படம் 'இறைவன்'. இதில் ஜெயம் ரவி கதையின் நாயகனாக நடிக்க, அவருக்கு ஜோடியாக லேடி சுப்பர் ஸ்டார் நயன்தாரா நடித்திருக்கிறார்.

ஹரி கே. வேதாந்தம் ஒளிப்பதிவு செய்திருக்கும் இந்த திரைப்படத்திற்கு 'இளைய இசை ஞானி' யுவன் சங்கர் ராஜா இசையமைத்திருக்கிறார்.

எக்சன் என்டர்படெய்னராக தயாராகி இருக்கும் இந்த திரைப்படத்தை ஃபேஷன் ஸ்டுடியோஸ் என்னும் பட நிறுவனம் சார்பில் தயாரிப்பாளர்கள் சுதன் சுந்தரம் மற்றும் ஜி. ஜெயராம் ஆகியோர் இணைந்து தயாரித்திருக்கிறார்கள்.

இப்படத்தின் ஃபர்ஸ்ட் லுக் வெளியாகி பெரும் வரவேற்பை பெற்ற நிலையில், தற்போது இப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது. இந்நிலையில் இந்த திரைப்படம் எதிர்வரும் ஒகஸ்ட் மாதம் 25ஆம் திகதியன்று உலகம் முழுவதும் பட மாளிகையில் வெளியாகிறது.