தவறவிடாதீர்கள்..!உடனே பதிவு செய்யுங்கள்

நடிகர் வசந்த் ரவி கதையின் நாயகனாக நடித்திருக்கும் 'அஸ்வின்ஸ்' எனும் திரைப்படத்தின் வெளியிட்டு திகதி அதிகாரப்பூர்வமாக அறிவிக்கப்பட்டிருக்கிறது.

தெலுங்கு இயக்குநர் தருண் தேஜா இயக்கத்தில் தயாராகி இருக்கும் திரைப்படம் 'அஸ்வின்ஸ்'. இதில் வசந்த் ரவி, விமலா ராமன், முரளிதரன், சரஸ்வதி மேனன், உதயா தீப், சிம்ரன் ப்ரீக் உள்ளிட்ட பலர் நடித்திருக்கிறார்கள். 

ஏ. எம். எட்வின் சகாய் ஒளிப்பதிவு செய்திருக்கும் இந்த திரைப்படத்திற்கு விஜய் சித்தார்த் இசையமைத்திருக்கிறார். திரில்லர் ஜேனரில் தயாராகி இருக்கும் இந்த திரைப்படத்தை ஸ்ரீ வெங்கடேஸ்வரா சினி சித்ரா எல் எல் பி எனும் பட நிறுவனம் சார்பில் தயாரிப்பாளர் பி வி எஸ் என் பிரசாத் தயாரித்திருக்கிறார். இந்த திரைப்படத்தை பாப்பிநீடு வழங்குகிறார்.

தமிழ் மற்றும் தெலுங்கு மொழியில் நேரடியாக தயாராகி இருக்கும் இந்த திரைப்படத்தின் ஃபர்ஸ்ட் லுக் மற்றும் டீசர் வெளியாகி பெரும் வரவேற்பை பெற்றிருக்கிறது. 

இந்நிலையில் இப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது. அந்த வகையில் இந்த திரைப்படம் எதிர்வரும் 23ஆம் திகதியன்று உலகம் முழுவதும் படம் மாளிகையில் வெளியாகிறது.

இதனிடையே நடிகர் வசந்த் ரவி, 'தரமணி' எனும் திரைப்படத்தின் மூலம் தமிழ் ரசிகர்களுக்கு அறிமுகமானவர் என்பதும், தற்போது நெல்சன் திலீப் குமார் இயக்கத்தில் சுப்பர் ஸ்டார் ரஜினிகாந்த் நடித்த வரும் 'ஜெயிலர்' திரைப்படத்தில் முக்கிய வேடத்தில் நடித்து வருகிறார் என்பதும் குறிப்பிடத்தக்கது.