தவறவிடாதீர்கள்..!உடனே பதிவு செய்யுங்கள்

பான் இந்திய நட்சத்திர நடிகரான பிரபாஸ் கதையின் நாயகனாக நடிக்கும் 'ஆதிபுருஷ்' எனும் திரைப்படத்தின் பிரத்யேக முன்னோட்டம் வெளியிடப்பட்டிருக்கிறது. 

இந்த திரைப்படம் எதிர்வரும் 16ஆம் திகதியன்று உலகம் முழுவதும் பட மாளிகையில் தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் வெளியாகிறது.

பொலிவுட் இயக்குநர் ஓம் ராவத் இயக்கத்தில் தயாராகி வரும் திரைப்படம் 'ஆதிபுருஷ்'. இதில் பான் இந்திய நட்சத்திர நடிகர் பிரபாஸ், நூபுர் சனோன், சயீப் அலிகான், சன்னி சிங், தேவதத்தா நாகே உள்ளிட்ட பலர் நடித்துள்ளனர்.

 கார்த்திக் பழனி ஒளிப்பதிவு செய்திருக்கும் இந்த திரைப்படத்திற்கு சன்ஷித் பைகாரா- அங்கிட் பைகாரா ஆகியோர் இணைந்து பின்னணி இசையமைத்திருக்கிறார்கள். 

படத்தின் பாடலுக்கு சாசெட்- பரம்பரா அஜய் -அதுல் ஆகியோர் இசையமைத்திருக்கிறார்கள். ராமாயண இதிகாசத்தை தழுவி தயாராகி இருக்கும் இந்த திரைப்படத்தை டி சிரீஸ் பூஷன் குமார், க்ரிஷன் குமார், ஓம் ராவத், பிரசாத் சுதார், ரெட்ரோஃபைல்ஸ் ராஜேஷ் நாயர் ஆகியோர் இணைந்து தயாரித்திருக்கிறார்கள்.

இந்த திரைப்படத்தின் ஃபர்ஸ்ட் லுக், டீசர், இரண்டு பாடல்கள் வெளியாகி பெரும் வரவேற்பை பெற்று நிலையில், இப்படத்தின் பிரத்யேக முன்னோட்டம் வெளியிடப்பட்டிருக்கிறது. இந்த முன்னோட்டத்தில் சீதையை ராவணன் கடத்தி செல்லும் காட்சிகளும்.., அசோகவனத்தில் சீதை தனிமையில் தவிக்கும் காட்சிகளும்.. வித்தியாசமாக இடம்பெற்றிருப்பதால் பார்வையாளர்களின் கவனத்தை வெகுவாக கவர்ந்திருக்கிறது.