தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

மாதாந்த விலை சூத்திரத்துக்கு அமைய சமையல் எரிவாயு சிலிண்டரின் விலை இன்று ஞாயிற்றுக்கிழமை (4) நள்ளிரவு முதல் அமுலுக்கு வரும் வகையில் குறைக்கப்பட்டுள்ளது என லிட்ரோ நிறுவனம் அறிவித்துள்ளது.

இதற்கமைய 12.5 கிலோ கிராம் நிறையுடைய சமையல் எரிவாயு சிலிண்டரின் விலை 452 ரூபாவினாலும், 5 கிலோ கிராம் நிறையுடைய எரிவாயு சிலிண்டரின் விலை 181 ரூபாவினாலும், 2.3 கிலோ கிராம் நிறையுடைய எரிவாயு சிலிண்டரின் விலை 83 ரூபாவினாலும் குறைக்கப்பட்டுள்ளது.

12.5 கிலோ கிராம் எரிவாயு சிலிண்டரின் திருத்தப்பட்ட புதிய விலை 3186 ரூபாவாகவும், 5 கிலோ கிராம் எரிவாயு சிலிண்டரின் புதிய விலை 1281 ரூபாவாகவும், 2.3 கிலோ கிராம் எரிவாயு சிலிண்டரின் புதிய விலை 598 ரூபாவாகவும் நிர்ணயிக்கப்பட்டுள்ளது.

உலக சந்தையில் எரிவாயுவின் விலை குறைப்பு, தேசிய மட்டத்தில் ரூபாவின் பெறுமதி ஸ்திரப்படுத்தல், டொலரின் பெறுமதி குறைப்பு ஆகிய காரணிகளை அடிப்படையாக கொண்டு சமையல் எரிவாயு சிலிண்டரின் விலையை குறைக்க தீர்மானிக்கப்பட்டது.

இதற்கமைய, புதிய விலை நிர்ணயம் இன்று முதல் அமுல்படுத்தப்படும். சந்தையில் பற்றாக்குறை இல்லாமல் சிலிண்டர்களை விநியோகிக்க உறுதியான நடவடிக்கை  எடுக்கப்பட்டுள்ளன என லிட்ரோ நிறுவனத்தின் தலைவர் மற்றும் தலைமை நிறைவேற்று அதிகாரியான முதித பீரிஸ் தெரிவித்தார்.

மாதாந்த எரிவாயு விலை சூத்திரத்துக்கு அமைய கடந்த மாதம் (மே) 12.5 கிலோ கிராம் சிலிண்டரின் விலை 100 ரூபாவினாலும், 5 கிலோ கிராம் சிலிண்டரின் விலை 40 ரூபாவினாலும், 2.3 கிலோ கிராம் சிலிண்டரின் விலை 19 ரூபாவினாலும் குறைக்கப்பட்டது.