(என்.வீ.ஏ.)
சென்னை சுப்பர் கிங்ஸ் அணித் தலைவர் மஹேந்த்ர சிங் தோனிக்கு முழங்கால் சத்திர சிகிச்சை வெற்றிகரமாக நிறைவடைந்துள்ளது.
மும்பை மருத்துவமனையில் எலும்பியல் நிபுணர் டாக்டர் டின்ஷா பாதிவாலா சத்திர சிகிச்சையை வெற்றிகரமாக செய்துமுடித்தார்.
16ஆவது ஐ.பி.எல். அத்தியாயத்தில் முழங்காலில் கடும் உபாதைக்கு மத்தியில் விக்கெட் காப்பாளராக விளையாடிய தோனி, மத்திய பின்வரிசையில் துடுப்பெடுத்தாடி வந்தார். அதுவும் இரசிகர்களை பரவசப்படுத்தவே கடைசி ஓவர்களில் களம் புகுந்து துடுப்பெடுத்தாடினார்.
விக்கெட்களுக்கு இடையில் ஓடுவதில் சிரமத்தை எதிர்கொண்ட தோனி, சில பந்துகளை எதிர்கொண்டபோதும், அவற்றை சிக்ஸ் அல்லது பவுண்டறியாக்கி இரசிகர்களை பரவசத்தில் ஆழ்த்தினார்.
குஜராத்துடனான இறுதிப் போட்டியில் முதல் பந்திலேயே ஆட்டம் இழந்தபோதிலும் சென்னை சுப்பர் கிங்ஸை 5 விக்கெட்களால் வெற்றிபெறச் செய்து, 5ஆவது தடவையாக சம்பியனாக்கி இருந்தார்.
கடந்த திங்கட்கிழமை ஒதுக்கப்பட்ட நாளில் நடத்தப்பட்ட இறுதிப் போட்டியின் பின்னர், மும்பை சென்ற தோனி, அங்குள்ள தனியார் மருத்துவமனையில் அனுமதிக்கப்பட்டு ஸ்கேன் பரிசோதனை செய்யப்பட்டார். எலும்பியல் சத்திர சிகிச்சை நிபுணர் டாக்டர் டின்ஷா பாதிவாலாவிடம் ஆலோசனை நடத்தினார்.
தோனியின் இடது முழங்காலை நன்கு பரிசோதித்த டாக்டர் பாதிவாலா உடனடியாக சத்திர சிகிச்சை செய்யுமாறு தோனிக்கு ஆலோசனை வழங்கினார்.
இதனையடுத்து, மருத்துவமனையில் அனுமதிக்கப்பட்ட தோனிக்கு இடது முழங்காலில் வெற்றிகரமாக சத்திர சிகிச்சை செய்யப்பட்டது.
இதேவேளை, இறுதிப் போட்டி முடிவில் உடல் ஈடுகொடுத்தால், அடுத்த வருடமும் ஐ.பி.எல். போட்டியில் விளையாடுவதாக தோனி குறிப்பிட்டிருந்தார். அதற்கு 8 - 9 மாத கால அவகாசம் தேவை எனவும் அவர் கூறினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM