தவறவிடாதீர்கள்..!உடனே பதிவு செய்யுங்கள்

சுப்பர் ஸ்டார் ரஜினிகாந்த் கதையின் நாயகனாக நடித்து வரும் 'ஜெயிலர்' எனும் திரைப்படத்தின் படப்பிடிப்பு நிறைவு பெற்றதாக பட குழுவினர் அதிகாரப்பூர்வமாக அறிவித்திருக்கிறார்கள்.

தமிழ் திரையுலகின் முன்னணி இளம் இயக்குநரான நெல்சன் திலீப் குமார் இயக்கத்தில் தயாராகி இருக்கும் திரைப்படம் 'ஜெயிலர்'. இதில் சுப்பர் ஸ்டார் ரஜினிகாந்த், மோகன்லால், சிவராஜ் குமார், சுனில் வர்மா, யோகி பாபு, வசந்த் ரவி, தமன்னா, ரம்யா கிருஷ்ணன் உள்ளிட்ட பலர் நடித்திருக்கிறார்கள்.

விஜய் கார்த்திக் கண்ணன் ஒளிப்பதிவு செய்திருக்கும் இந்த திரைப்படத்திற்கு அனிருத் இசையமைத்திருக்கிறார். எக்சன் என்டர்டெய்னராக தயாராகி இருக்கும் இந்த திரைப்படத்தை சன் பிக்சர்ஸ் எனும் நிறுவனம் சார்பில் தயாரிப்பாளர் கலாநிதி மாறன் பிரம்மாண்டமான பொருட்செலவில் தயாரித்திருக்கிறார்.

ஒகஸ்ட் பத்தாம் திகதியன்று உலகம் முழுவதும் பட மாளிகையில் வெளியாகவிருக்கும் இந்த திரைப்படத்தின் படப்பிடிப்பு நிறைவு பெற்றதாக பட குழுவினர் அதிகாரப்பூர்வமாக அறிவித்திருக்கிறார்கள். இதற்காக சுப்பர் ஸ்டார் ரஜினிகாந்த், தமன்னா உள்ளிட்ட படக் குழுவினர் கேக் வெட்டி கொண்டாடும் பிரத்யேக புகைப்படத்தை வெளியிட்டு உறுதிப்படுத்தி இருக்கிறார்கள்.