நடிகரும், சட்டமன்ற உறுப்பினரும், தமிழக மாநில விளையாட்டு துறை அமைச்சருமான உதயநிதி ஸ்டாலின் கதையின் நாயகனாக நடித்திருக்கும் 'மாமன்னன்' எனும் திரைப்படத்தின் இசை வெளியீடு, சென்னை நேரு உள் விளையாட்டரங்கத்தில் பிரம்மாண்டமாக நடைபெற்றது.
'பரியேறும் பெருமாள்', 'கர்ணன்' ஆகிய படங்களை இயக்கிய இயக்குநர் மாரி செல்வராஜ் இயக்கத்தில் தயாராகி இருக்கும் திரைப்படம் 'மாமன்னன்'.
இதில் உதயநிதி ஸ்டாலின், 'வைகைப்புயல்' வடிவேலு, பகத் பாசில், கீர்த்தி சுரேஷ் உள்ளிட்ட பலர் நடித்திருக்கிறார்கள். தேனி ஈஸ்வர் ஒளிப்பதிவு செய்திருக்கும் இந்த திரைப்படத்திற்கு 'இசை புயல்' ஏ. ஆர். ரகுமான் இசையமைத்திருக்கிறார்.
சமூக நீதியை வலியுறுத்தி தயாராகி இருக்கும் இந்த திரைப்படத்தை ரெட் ஜெயன்ட் மூவிஸ் நிறுவனம் தயாரித்திருக்கிறது.
இப்படத்தின் முதல் பார்வை, இரண்டாம் பார்வை, முதல் பாடல், இரண்டாம் பாடல் ஆகியவை வெளியாகி பார்வையாளர்களின்... ரசிகர்களின்... திரையுலகினரின்... கவனத்தை வெகுவாக கவர்ந்திருக்கிறது. இந்நிலையில் இப்படத்தின் பாடல்கள் வெளியாகி இருக்கிறது. இதற்காக சென்னையில் நடைபெற்ற பிரம்மாண்டமான விழாவில் 'உலக நாயகன்' கமல்ஹாசன் சிறப்பு அதிதியாக பங்குபற்றினார். இவருடன் தமிழ் திரையுலகத்தை சேர்ந்த முன்னணி நட்சத்திரங்களான சிவகார்த்திகேயன், விஜய் அண்டனி, சூரி, உள்ளிட்ட ஏராளமானவர்கள் பங்கு பற்றி சிறப்பித்தனர்.
படத்தைப் பற்றி உதயநிதி ஸ்டாலின் பேசுகையில், '' இந்தத் திரைப்படம் மாரி செல்வராஜ் இயக்கத்தில் தயாராகி இருக்கிறது. அவருடைய ஒவ்வொரு படத்திலும் பேசப்படும் சமூக நீதி இந்த படைப்பிலும் பேசப்பட்டிருக்கிறது. படப்பிடிப்பின் போது ஒவ்வொரு காட்சியிலும் பேசும் வசனங்கள்.. காட்சிப்படுத்து விதம்.. குறித்து அவரிடம் ஏராளமான விளக்கங்களை கேட்டு பெற்று நடித்திருக்கிறேன். அமைச்சர் பொறுப்பு ஏற்ற பிறகு மக்களுக்கான பணிகளை செய்வது அதிகரித்து விட்டதால், தற்காலிகமாக திரைப்படங்களில் நடிப்பதை நிறுத்திக் கொண்டிருக்கிறேன். மூன்றாண்டுகள் வரை இனி திரைப்படங்களில் நடிக்க போவதில்லை. அதன் பிறகு மக்கள் அளிக்கும் தீர்ப்பை பொறுத்து படங்களில் நடிப்பதை தீர்மானிப்பேன். இப்படத்தின் இயக்குநர் மாரி செல்வராஜுக்கு, மீண்டும் அவரது இயக்கத்தில் ஒரு படத்தில் நடிப்பதாக வாக்குறுதி அளித்திருக்கிறேன். இந்தத் திரைப்படம் சமூக நீதியை உரத்துப் பேசுகிறது'' என்றார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM