தவறவிடாதீர்கள்..!உடனே பதிவு செய்யுங்கள்

பேபி மோனிகா சிவா மற்றும் மாஸ்டர் சக்தி ரித்விக் என இரண்டு குழந்தை நட்சத்திரங்கள் முதன்மையான கதாபாத்திரத்தில் நடித்திருக்கும் 'எறும்பு' எனும் திரைப்படத்தில் இடம் பெற்ற 'சிக்கு புக்கு சிக்கு..' எனத் தொடங்கும் முதல் பாடல் வெளியிடப்பட்டிருக்கிறது. இந்த பாடலுடன் பாடலுக்கான லிரிக்கல் வீடியோவும் வெளியாகி இருக்கிறது.

இயக்குநர் சுரேஷ் குணசேகரன் இயக்கத்தில் தயாராகி இருக்கும் புதிய திரைப்படம் 'எறும்பு'.

இதில் நடிகர்கள் சார்லி, எம். எஸ். பாஸ்கர், ஜோர்ஜ் மரியான், நடிகைகள் சூசன் ஜோர்ஜ், பரவை சுந்தராம்பாள், குழந்தை நட்சத்திரங்கள் மோனிகா சிவா மற்றும் சக்தி ரித்விக் உள்ளிட்ட பலர் நடித்திருக்கிறார்கள். கே. எஸ். காளிதாஸ் ஒளிப்பதிவு செய்திருக்கும் இந்த திரைப்படத்திற்கு அருண் ராஜ் இசையமைத்திருக்கிறார்.

கிராமப்புறத்தில் விளிம்பு நிலை மக்களின் யதார்த்த வாழ்வியலை மையப்படுத்தி தயாராகி இருக்கும் இந்த திரைப்படத்தை மன்ட்ரூ ஜி வி எஸ் புரொடக்ஷன்ஸ் எனும் பட நிறுவனம் சார்பில் தயாரிப்பாளர் சுரேஷ் குணசேகரன் தயாரித்திருக்கிறார்.

இப்படத்தின் முன்னோட்டம் வெளியாகி ஒரு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்திருக்கிறது.

இந்நிலையில் இம்மாதம் 16ஆம் திகதியன்று வெளியாகவிருக்கும் இந்த திரைப்படத்தில் இடம் பெற்ற 'சிக்கு புக்கு சிக்கு..' எனத் தொடங்கும் முதல் பாடல் வெளியிடப்பட்டிருக்கிறது.

இந்தப் பாடலை பாடலாசிரியர்கள் ஜி சுரேஷ் மற்றும் அருண்ராஜ் எழுத, புதுமுக பின்னணி பாடகியான மேக்னா சுமேஷ் பாடியிருக்கிறார். இந்தப் பாடல் குழந்தைகளுக்கான பாடலாகவும், தாள லயம் மாறாத பிள்ளைகளுக்கு பிடித்த பாடலாகவும் இருப்பதால் பாரிய வெற்றியை பெற்று வருகிறது.