தவறவிடாதீர்கள்..!உடனே பதிவு செய்யுங்கள்

இளம் நடிகர் ஹரிஷ் கல்யாண் கதையின் நாயகனாக நடித்திருக்கும் 'எல். ஜி. எம்' எனும் திரைப்படத்தின் செகண்ட் லுக் வெளியிடப்பட்டிருக்கிறது. விரைவில் இப்படத்தின் டீசர் வெளியிடப்படும் என அறிவிக்கப்பட்டிருக்கிறது.

அறிமுக இயக்குநர் ரமேஷ் தமிழ்மணி இயக்கத்தில் தயாராகி வரும் முதல் திரைப்படம் 'எல். ஜி. எம்'. (லெட்ஸ் கெட் மேரீட்). இந்தத் திரைப்படத்தில் ஹரிஷ் கல்யாண், இவானா, நதியா, யோகி பாபு, மிர்ச்சி விஜய் உள்ளிட்ட பலர் நடித்திருக்கிறார்கள்.

விஸ்வஜித் ஒளிப்பதிவு செய்திருக்கும் இந்த திரைப்படத்திற்கு ரமேஷ் தமிழ்மணி இசையமைத்திருக்கிறார். காதலையும், குடும்பத்தையும் மையப்படுத்தி தயாராகி இருக்கும் இந்த திரைப்படத்தை தோனி என்டர்டெய்ன்மென்ட் எனும் நிறுவனம் சார்பில் தயாரிப்பாளர் விகாஸ் ஹஸிஷா தயாரித்திருக்கிறார். இந்த திரைப்படத்தை திருமதி சாக்ஷி தோனி வழங்குகிறார்.

இப்படத்தின் படப்பிடிப்பு நிறைவடைந்து இறுதி கட்டப் பணிகள் விறுவிறுப்பாக நடைபெற்று வருகிறது. ஏற்கனவே ஃபர்ஸ்ட் லுக் வெளியாகி பெரும் வரவேற்பை பெற்ற நிலையில், தற்போது இப்படத்தின் செகண்ட் லுக் வெளியிடப்பட்டிருக்கிறது. இதில் குடும்ப உறுப்பினர்களுடன் நாயகனான ஹரிஷ் கல்யாண் வாகனம் ஒன்றில் பயணம் மேற்கொள்வது போல் உருவாக்கப்பட்டிருப்பதால் ரசிகர்களின் பேராவத்தைத் தூண்டுகிறது.