போர்க்குற்றம் தொடர்பான ஆதாரங்களைத் திரட்டி ஐ.நாவிடம் கையளிப்போம் - பிரித்தானியத் தமிழர் பேரவை தகவல்

Published By: Digital Desk 3

27 May, 2023 | 09:58 PM
image

(நா.தனுஜா)

இலங்கையில் இடம்பெற்ற போர்க்குற்றங்கள் மற்றும் மனித உரிமை மீறல்கள் தொடர்பில் ஐ.நா மனித உரிமைகள் பேரவையினால் முன்னெடுக்கப்பட்டுவரும் ஆதாரங்களைத் திரட்டும் பொறிமுறையுடன் தாம் மிகநெருக்கமாகப் பணியாற்றிவருவதாகத் தெரிவித்துள்ள பிரித்தானியத் தமிழர் பேரவையின் பொதுச்செயலாளர் வீ.ரவிக்குமார், இலங்கையில் சமூக மட்டத்தில் இயங்கிவரும் அமைப்புக்களுடன் கூட்டிணைந்து மனித உரிமை மீறல்கள் குறித்த ஆதாரங்களைத் திரட்டி அப்பொறிமுறையிடம் கையளிக்கவிருப்பதாகக் குறிப்பிட்டுள்ளார்.

இலங்கையில் கடந்தகாலங்களில் இடம்பெற்ற மனிதகுலத்துக்கு எதிரான மீறல்கள் மற்றும் இனப்படுகொலை என்பன தொடர்பில் ஆதாரங்களைத் திரட்டும் செயன்முறையை ஆரம்பிக்கவிருப்பதாகக் கடந்த 18 ஆம் திகதி முள்ளிவாய்க்கால் நினைவேந்தல் தினத்தன்று பிரித்தானியத் தமிழர் பேரவை அறிவித்தது. அதன்படி இச்செயன்முறை முன்னெடுக்கப்படவுள்ள விதம், கூட்டிணைந்து பணியாற்றவுள்ள நபர்கள் மற்றும் அமைப்புக்கள், ஐ.நா மனித உரிமைகள் பேரவையின் ஆதாரங்களைத் திரட்டும் பொறிமுறைக்கான பங்களிப்பு உள்ளிட்ட விடயங்கள் தொடர்பில் விளக்கமளிக்குமாறு கோரியபோதே வீ.ரவிக்குமார் கேசரியிடம் மேற்கண்டவாறு தெரிவித்தார்.

குறிப்பாக கடந்த 2009 ஆம் ஆண்டு போர் முடிவுக்குக்கொண்டுவரப்பட்டதன் பின்னரான காலப்பகுதியிலிருந்து ஐக்கிய நாடுகள் மனித உரிமைகள் பேரவையுடன் பிரித்தானியத் தமிழர் பேரவை மிகநெருக்கமாகப் பணியாற்றிவருவதாகவும், அதனால் எவ்வித பயனும் கிட்டப்போவதில்லை எனப் பல்வேறு தரப்பினர் விமர்சித்தபோதிலும் தாம் தொடர்ந்தும் நம்பிக்கையுடன் அழுத்தம் பிரயோகித்துவந்ததாகவும் சுட்டிக்காட்டிய ரவிக்குமார், அதன்விளைவாகத் தற்போது ஆதாரங்களைத் திரட்டும் பொறிமுறை வரை முன்னேறியிருப்பதாகக் குறிப்பிட்டார்.

மேலும் ஐக்கிய நாடுகள் மனித உரிமைகள் பேரவையில் 47 நாடுகள் அங்கம்வகிப்பதாகவும், எனவே இலங்கை தொடர்பில் வலுவானதொரு தீர்மானத்தைக் கொண்டுவரவேண்டுமாயின் குறைந்தபட்சம் 24 நாடுகளின் வாக்குகளையேனும் திரட்டிக்கொள்வது அவசியம் என்றும் தெரிவித்த அவர், இருப்பினும் அவ்வாறு நாடுகளின் வாக்குகளைத் திரட்டுவதற்குரிய பேச்சுவார்த்தைகளை இலங்கையின் தமிழ் அரசியல் பிரதிநிதிகளோ அல்லது சிவில் சமூக அமைப்புக்களோ பெருமளவுக்கு முன்னெடுப்பதில்லை என்று கவலை வெளியிட்டார்.

எனவே ஐ.நா மனித உரிமைகள் பேரவையில் அங்கம்வகிக்கும் 47 நாடுகளில் வெறுமனே 13 மேற்குலகநாடுகளின் வாக்குகளை மாத்திரம் அடிப்படையாகக்கொண்டு இலங்கைக்கு எதிராக வலுவானதொரு தீர்மானத்தைக் கொண்டுவரமுடியாது என்றும், மாறாக எஞ்சிய 34 நாடுகளில் பெரும்பான்மையாக உள்ள ஆபிரிக்க நாடுகளின் ஆதரவைத் திரட்டிக்கொள்ளவேண்டியது அவசியம் என்றும் ரவிக்குமார் சுட்டிக்காட்டினார்.

ஆகவே சர்வதேச நாடுகளின் இராஜதந்திரிகளிடம் வெறுமனே வாய்மொழிமூலம் பேச்சுவார்த்தை நடத்துவதைவிட, அவர்களிடம் ஆதாரங்களை சமர்ப்பிக்கும்போது அதுகுறித்து அவர்கள் விசேட அவதானம் செலுத்துவதற்கான வாய்ப்புக்கள் உயர்வாகக் காணப்படுவதாகவும் பிரித்தானியத் தமிழர் பேரவையின் பொதுச்செயலாளர் வீ.ரவிக்குமார் தெரிவித்தார். 

முக்கிய செய்திகள்

icon-left
icon-right

தொடர்பான செய்திகள்

news-image

நாணய நிதியமின்றி நாட்டை கட்டியெழுப்புவோம் என்று...

2024-06-15 18:12:22
news-image

தேர்தல் கால பிரச்சாரமாக 13ஆவது திருத்தத்தை...

2024-06-15 18:29:03
news-image

இலஞ்சம் பெற்ற நீர்ப்பாசன திணைக்கள எந்திரியும்...

2024-06-15 16:55:52
news-image

ருமேனியாவில் வேலை வாய்ப்பு பெற்றுத் தருவதாகக்...

2024-06-15 16:39:31
news-image

கிழக்கு மாகாணத்தின் அமைச்சுகளுக்கு ஆளுநரால் புதிய...

2024-06-15 16:56:44
news-image

திருகோணமலை ஸாஹிரா கல்லூரியில் 70 மாணவர்களின்...

2024-06-15 15:11:12
news-image

தலைமன்னார்- கவயன் குடியிருப்பு பகுதியில் அடாத்தாகப்...

2024-06-15 15:43:02
news-image

அடுத்த வாரம் இலங்கை வருகிறார் இந்திய...

2024-06-15 15:18:37
news-image

10 ஆவது சர்வதேச யோகா தினத்தை...

2024-06-15 14:41:09
news-image

கண்டியில் சக மாணவனை கத்தியால் குத்திய...

2024-06-15 13:44:03
news-image

மயிலை வேட்டையாடி உண்ட வெளிநாட்டவர்களும் வேடுவ...

2024-06-15 14:40:39
news-image

இன்றைய மரக்கறி விலைகள்

2024-06-15 13:15:00