தவறவிடாதீர்கள்..!உடனே பதிவு செய்யுங்கள்

பிரபல மூத்த ஒலிபரப்பாளரான விமல் சொக்கநாதன் எழுதிய 'இலண்டனிலிருந்து விமல்' நூல் வெளியீட்டு விழா நாளை 27ஆம் திகதி  சனிக்கிழமை மாலை 6 மணிக்கு கொழும்பு தமிழ்ச் சங்கத்தில் நடைபெறவுள்ளது.

பூஜ்யஸ்ரீ அக்க்ஷ்ராத்மானந்தாஜி மகாராஜ் (கொழும்பு இராமகிருஷ்ண மடம்), எக்ஸ்பிரஸ் நியூஸ்பேப்பர்ஸ் சிலோன் லிமிட்டெட் (வீரகேசரி) நிறுவனத்தின் முகாமைத்துவ பணிப்பாளர் குமார் நடேசன் ஆகியோர் முன்னிலையில் இவ்விழா நடைபெறுகிறது.

வழக்கறிஞர் மாலா சபாரட்ணம் தலைமையிலான நிகழவுள்ள இவ்விழா செல்வி. இனியவள் காண்டீபனின் குருவணக்கத்துடன் ஆரம்பமாகும்.

இதன்போது நாடாளுமன்ற உறுப்பினர்களான மனோ கணேசன், எம்.ஏ சுமந்திரன், சிவா பரமேஸ்வரன், வீரகேசரி நாளிதழ் மற்றும் வார வெளியீடுகளின் பிரதம ஆசிரியர் ஸ்ரீஜன், திருமதி உமா சந்திரா  பிரகாஷ், உலக அறிவிப்பாளர் பி.எச். அப்துல் ஹமீத் ஆகியோர் மதிப்புரைகளை வழங்கவுள்ளனர்.

இந்நிகழச்சியை வானொலி, தொலைக்காட்சி  அறிவிப்பாளர்களான சாயி ரஞ்சனி, நாகபூஷணி  ஆகியோர் தொகுத்து வழங்குவர்.