தவறவிடாதீர்கள்..!உடனே பதிவு செய்யுங்கள்

'அயோத்தி' படத்தின் அமோக வெற்றிக்குப் பிறகு நடிகர் சசிகுமார் நடிக்கும் பெயரிடப்படாத படத்தில், அவருடன் தெலுங்கில் முன்னணி நட்சத்திர நடிகரான நவீன் சந்திரா இணைந்திருக்கிறார்.

'காவல்துறை உங்கள் நண்பன்' எனும் படத்தை இயக்கிய ஆர் டி எம் எனப்படும் ரஞ்சித் மணிகண்டன் இயக்கத்தில் தயாராகும் பெயரிடப்படாத புதிய படத்தில் சசிகுமார்- நவீன் சந்திரா என இருவரும் கதையின் நாயகர்களாக நடிக்கிறார்கள்.

இப்படத்தின் படப்பிடிப்பு சென்னையில் உள்ள பொன்னியம்மன் ஆலயத்தில் பூஜையுடன் தொடங்கியது. இதன் போது இயக்குநரும், தயாரிப்பாளருமான கஸ்தூரிராஜா சிறப்பு அதிதியாக பங்குபற்றினார்.

இந்த திரைப்படத்தை ஃபைவ் ஸ்டார் கிரியேஷன்ஸ் எனும் பட நிறுவனம் சார்பில் தயாரிப்பாளரும், இயக்குநருமான கதிரேசன் தயாரிக்கிறார்.

இப்படத்தில் பணியாற்றும் தொழில்நுட்பக் கலைஞர்கள் மற்றும் ஏனைய நடிகர்கள் குறித்த விவரங்கள் விரைவில் அதிகாரப்பூர்வமாக வெளியிடப்படும் என எதிர்பார்க்கப்படுகிறது.

இதனிடையே இயக்குநரும், நடிகருமான சசிகுமாரும், தெலுங்கு நடிகர் நவீன் சந்திராகவும் 'பிரம்மன்' எனும் திரைப்படத்தில் இணைந்து நடித்தனர். சில ஆண்டு இடைவெளிக்குப் பிறகு மீண்டும் இருவரும் இணைந்திருக்கிறார்கள் என்பது குறிப்பிடத்தக்கது.