தவறவிடாதீர்கள்..!உடனே பதிவு செய்யுங்கள்

பொலீயாவின் பாராளுமன்றத்தில், பாராளுமன்ற உறுப்பினர்களுக்கு இடையில்  செவ்வாய்க்கிழமை (23) உடல் ரீதியான தாக்குதல்கள் இடம்பெற்றன.

எதிர்க்கட்சி பிரமுகரும் சான்ட்டா குரூஸ் பிராந்தியத்தின் ஆளுனருமான லூயிஸ் பெர்னாண்டோ கெமாச்சோவின் கைது தொடர்பாக விளக்கமளிப்பதற்காக அமைச்சர் எதுவார்டோ டெல் கஸ்டில்லோ பாராளுமன்றத்துக்கு அழைக்கப்பட்டிருந்தார். 

மேற்படி கைது தொடர்பாக பாராளுமன்றத்தில் அமைச்சர் கஸ்டில்லோ விளக்கமளித்து உரையாற்றியபோது, எதிர்க்கட்சியினரை கடுமையாக சாடினார். 

அப்போது எதிர்க்கட்சி எம்பிகள் சிலர், அரசாங்கத்துக்கு எதிரான பதாகைகளை ஏந்தியிருந்தனர்.

இப்பதாகைகளை அரசாங்கத்துக்கு ஆதரவான எம்பிகள் பறிக்க முற்பட்டபோது, இரு தரப்பினருக்கும் இடையில் மோதல் ஏற்பட்டது. சுமார் 20 எம்பிகள் இம்மோதலில் ஏற்பட்டனர். பல நிமிட நேரம் இந்த மோதல்கள் நீடித்தன என உள்ளூர் ஊடகங்கள் தெரிவித்துள்ளன.

பொலீவிய பாராளுமன்றத்தில் இதற்கு முன்னரும் மோதல்கள் கைகலப்புகள் இடம்பெற்றுள்ளமை குறிப்பிடத்தக்கது.