தவறவிடாதீர்கள்..!உடனே பதிவு செய்யுங்கள்

வவுனியா, மரக்காரம்பளையில் பாரம்பரிய தமிழர் பறை இசையுடன் நுங்குத் திருவிழா நிகழ்வு நேற்று ஞாயிற்றுக்கிழமை (21) இடம்பெற்றது.

பனை மரத்தின் முக்கியத்துவத்தை வெளிப்படுத்தும் நோக்குடன் சுயாதீன தமிழ் இளைஞர்களின் ஏற்பாட்டில் நடைபெற்ற இந்நிகழ்வில் பனை உற்பத்திப் பொருட்கள் காட்சிப்படுத்தப்பட்டதுடன், பண்டாரவன்னியன் புத்தகசாலையின் புத்தக கண்காட்சியும் இடம்பெற்றது. 

இதன்போது அதிகளவிலான இளைஞர், யுவதிகள் கலந்துகொண்டதோடு, கடும் வெப்பத்தை போக்க நுங்கு குடித்து மகிழ்ந்தனர்.

சுயாதீன தமிழ் இளைஞர்களின் ஏற்பாட்டில் தொடர்ச்சியாக நான்காவது வருடமாகவும் இந்நிகழ்வு முன்னெடுக்கப்பட்டுள்ளமை குறிப்பிடத்தக்கது.