தவறவிடாதீர்கள்..!உடனே பதிவு செய்யுங்கள்

இவ்­வ­ருட பிரெஞ்சு பகி­ரங்க டென்னிஸ் சுற்­றுப்­போட்­டி­யி­லி­ருந்து நடப்புச் சம்­பி­யான ரபாயெல் நடால் வில­கி­யுள்ளார். 

இடுப்பில் ஏற்­பட்ட காயம் கார­ண­மாக இச்­சுற்­றுப்­போட்­டி­யி­லி­ருந்து தான் வில­கு­வ­தாக நடால் அறி­வித்­துள்ளார். அத்து­டன் தொழிற்சார் டென்னிஸ் போட்­டி­க­ளி­லி­ருந்து 2024 ஆம் ஆண்­டுடன் ஓய்வு பெறு­­வ­தற்கு எதிர்­பார்ப்­ப­தா­கவும் அவர் தெரி­வித்­துள்ளார்.

36 வய­தான ஸ்பானிய வீர­ரான ரபாயெல் நடால், பிரெஞ்சு பகி­­ரங்கப் போட்­டி­களில் 14 தட­வை­கள் சம்­பி­ய­னாகி சாதனை படைத்­தவர்.

22 கிராண்ட்ஸ்லாம் சம்­பி­யன் பட்­டங்­களை வெற்­றுள்ள அவர், ஆகக்­கூ­டு­த­லான கிராண்ட்ஸ­்­­லாம் பட்­டங்­களை வென்ற வீரர்­கள் பட்­டி­யலில் சேர்­பி­யா­வின் நோவாக் ஜோகோ­விச்­சுடன் இணைந்து முதல் இடத்தில் உள்­ளார்.  

பிரெஞ்சுப் பகி­ரங்கப் போட்­டி­களில் 2005 ஆம் ஆண்டு அறி­மு­க­மாகி, தனது முதல் முயற்­சி­லேயே அச்­சுற்­றுப்­போட்­டியின் சம்­பியன் பட்­டத்தை வென்­றவர் நடால். களிமண் தரை போட்­டி­களின் ஜாம்­ப­வா­னான ரபாயெல் நடால், பிரெஞ்சுப் பகி­ரங்க  சுற்­றுப­்­­­போட்­டி­யி­லி­ருந்த வில­கு­வது இதுவே முதல் தட­வை­யாகும்.

'இது நான் மேற்­கொண்ட தீர்­மா­ன­மல்ல, இது எனது உடலின் தீர்­மானம்' என தனது சொந்த ஊரான மனகோவில் நடை­பெற்ற செய்­தி­யாளர் மாநாட்டில் நடால் கூறினார்.

சில மாதங்கள் தான் ஓய்வு பெற­வுள்­ ள­தாக நடால் கூறினார். இதன்­படி, அவர் எதிர்­வரும் விம்­பிள்டன் ‍போட்டிகளில் பங்குபற்றமாட்டார். பெரும்பாலும் அமெரிக்கப் பகிரங்கப் போட்டி­களிலும் பங்குபற்றமாட்டார்.