தவறவிடாதீர்கள்..!உடனே பதிவு செய்யுங்கள்

எமது நோய் எதிர்ப்பு மண்டலமே தவறுதலாக எதிர்மறை ஆற்றலாக மாறி எம்முடைய உடலில் செயல்படும் ஆரோக்கியமான செல்கள் மற்றும் திசுக்களை தாக்கி அழிக்கும். இதனை மருத்துவர்கள் ஒட்டோ இம்யூன் டிஸீஸ் என வகைப்படுத்துகிறார்கள்.

இவை எம்முடைய உடல் உறுப்புகளில் நுரையீரல், தோல், மூட்டுக்கள், சிறுநீரகம், ரத்த அணுக்கள், மூளை போன்றவற்றை தாக்கி அழிக்கிறது. இதில் லூபஸ் எனப்படும் தோலைத் தாக்கும் பாதிப்பும் ஒன்று. அதில் முதன்மையானதாக சிஸ்டமிக் லூபஸ் எரித்மடோசிஸ் எனப்படும் பாதிப்பும் ஒன்று.

தற்போது மேம்படுத்தப்பட்ட நவீன மருத்துவ தொழில்நுட்பங்களால் இதற்கு முதன்மையான நிவாரண சிகிச்சை அளிக்கப்படுகிறது என இத்துறை மருத்துவ நிபுணர்கள் தெரிவித்திருக்கிறார்கள்.

சோர்வு, காய்ச்சல், முடி உதிர்வு, சூரிய ஒளியில் பயணிக்கும் போது தோல் பாதிப்பு, வாயில் புண், மூட்டுகளில் வலி, தசை வலி, மூச்சுத் திணறல், நெஞ்சுவலி, கண்களில் வறட்சி, தலைவலி, குழப்பம், நினைவுத்திறன் இழப்பு, மன அழுத்தம், கை கால் விரல்களில் உள்ள நகங்களில் நிற மாற்றம் ...போன்ற அறிகுறிகள் ஏற்பட்டால், உங்களுக்கு லூபஸ் எனப்படும் தன்னுடலா தாக்குதல் நோய் பாதிப்பு ஏற்பட்டிருக்கிறது என அறிந்து கொள்ளலாம். இத்தகைய அறிகுறிகள் வேறு நோய்க்கான அறிக்கறிகளுடன் ஒத்திருப்பதால், இதனை துல்லியமாக அவதானிப்பதற்கு பிரத்யேக குருதி பரிசோதனையை மேற்கொள்ள வேண்டும். அதனுடன் தோல் மற்றும் சிறுநீரக திசு பரிசோதனையும் மேற்கொள்ள வேண்டியதிருக்கும். பரிசோதனைகளுக்குப் பிறகு அறிகுறிகளின் தன்மைக்கு ஏற்ப மருத்துவர்கள் மருந்து மற்றும் ஸ்டீராய்டு மருந்துகளை வழங்கி முதன்மையான நிவாரண சிகிச்சையை வழங்குவர். மேலும் இத்தகைய பாதிப்பு ஏற்பட்டவர்களுக்கு நோய் தொற்று பாதிப்பு, கொலஸ்ட்ரால் மற்றும் உயர் குருதி அழுத்த பாதிப்பும் இருந்தால்.., அதனையும் கட்டுப்படுத்துவதற்கான சிகிச்சை அவசியம் மேற்கொள்ள வேண்டியதிருக்கும்.

டொக்டர் ஷாம்
தொகுப்பு அனுஷா.