தவறவிடாதீர்கள்..!உடனே பதிவு செய்யுங்கள்

ரயில் நிலைய அதிபர்களால் முன்னெடுக்கப்பட்ட 24 மணித்தியால அடையாள வேலை நிறுத்தம் காரணமாக அனைத்து ரயில் பாதைகளிலும் புதன்கிழமை (10) காலை திட்டமிடப்பட்ட ஐந்து அலுவலக ரயில் சேவைகள் இரத்துச் செய்யப்பட்டதாக ரயில்வே  திணைக்களம் தெரிவித்துள்ளது. 

இதேவேளை, ரயில் நிலைய அதிபர்கள் சங்கத் தலைவர் தெரிவிக்கையில், புதன்கிழமை (10) நள்ளிரவு வரை அடையாள வேலை நிறுத்தம் தொடரும் என  கூறியுள்ளார். 

இது இவ்வாறிருக்க, ரயில் நிலைய பொறுப்பதிகாரிகளின் பணிப்பகிஷ்கரிப்பு காரணமாக ரயில் சேவைகள் தடைப்பட்டுள்ளதாக ரயில்வே திணைக்களம் தெரிவித்துள்ளது. 

அதன்படி, நானுஓயாவிலிருந்து கண்டி மற்றும் கொழும்பு கோட்டைக்கு இயக்கப்படவிருந்த கடுகதி ரயில் இன்று சேவையில் ஈடுபடாது. 

இன்று அதிகாலை 3.55 மணிக்கு கணேவத்தையில் இருந்து கொழும்பு கோட்டை மற்றும் பாணந்துறை வரை இயக்கப்படவிருந்த அலுவலக ரயில் சேவையில் ஈடுபடாது. 

மற்றைய ரயில்கள் தாமதத்துடன் இயக்கப்படும் என்றும் ரயில்வே திணைக்களம் அறிவித்துள்ளது.